न्यूज टुडे
राजविराज, २२ कार्तिक ।
सप्तरी प्रहरीले दुइजना फरार प्रतिवादी पक्राउ गरेको छ । जिल्ला प्रहरी कार्यालय सप्तरीले शनिबार एक प्रेस विज्ञप्ति जारी गर्दै उक्त जानकारी गराएको हो ।
पक्राउ परेका प्रतिवादी सप्तरी जिल्ला अदालतबाट कैद तथा जरीमाना भएका व्यक्तिहरु हुन् । पक्राउ पर्नेमा तिरहुत गाउँपालिका ४ का रामा देवी सरदार र रिता देवी सरदार रहेकी छन् ।
उनिहरु दुबैलाई जनही ५ हजार जरिवाना ३ महिना कैद सजाय तोकिएको छ । पक्राउ परेका प्रतिवादीहरुलाई शुक्रबार सप्तरी जिल्ला अदालत राजविराज दाखिला गरिएको जिल्ला प्रहरी कार्यालय सप्तरीका प्रहरी निरीक्षक प्रमोद कुमार साहद्वारा जारी प्रेस विज्ञप्तिमा उल्लेख छ ।
