न्यूज टुडे
राजविराज,०९ बैशाख ।
भ्रष्टाचार विरोधी अभियानता दावी गर्ने सप्तरीको रुपनी गाउँपालिका १ का राजु जयसबाल भन्ने किरण कुमार जयसवाल पक्राउ परेका छन् । सामाजिक संजालमा रुपनी गाउँपालिका अध्यक्ष दिनेश कुमार यादव विरुद्ध भ्रम फैलाएको उजुरीको आधारमा बुधबार जयसवाललाई प्रहरीले नियन्त्रणमा लिएको हो ।
जयसबालले सामाजिक संजालमा भ्रम फैलाएर चरीत्र हत्या गरेको तथा बिधुतीय कारोबार ऎन विरुद्ध कसुर गरेको भनि रुपनी गाउँपालिकाका अध्यक्ष यादवले जाहेरी दिएपछि उनलाई अनुसन्धानका लागि नियन्त्रणमा लिएको प्रहरीले जनाएको छ ।
जयसवाल विरुद्ध विधुतीय कारोबार ऎन २०६३ विरुद्ध कसुर गरेको अभियोगमा विधुतीय अपराध मुद्दामा जिल्ला अदालत राजविराजबाट ५ दिनको म्याद लिईअनुसन्धान भइरहेको सप्तरीका प्रहरी प्रवक्ता डिएसपी डम्बरबहादुर पुरीले जानकारी दिए ।
जयसवालले रुपनी गाउँपालिका भ्रष्टाचार विरुद्ध अभियानको नाममा विगत ७ बर्षदेखि विभिन्न गतिविधि गर्दी आएका थिए ।