न्यूज टुडे
राजविराज, ०३ असार ।
सप्तरीको राजविराज २ स्थित रहेको राजदेवी माद्यामिक विद्यालयका प्रधानाध्यापक दिनेश प्रसाद यादव नेपाल शिक्षक महासंघको राष्ट्रिय समिति सदस्यमा मनोनीत भएका छन् । नेपाल शिक्षक संघको तर्फबाट महासंघको राष्ट्रिय समिति सदस्यमा प्रधानाध्यापक यादव मनोनीत भएका हुन् ।
नेपाल शिक्षक महासंघका महासचिव ज्ञानेन्द्र बहादुर रावलले बुधबार पत्राचार गर्दै उनलाई शिक्षक महासंघको राष्ट्रिय समितिमा मनोनीत गरिएको जानकारी गराएका छन् ।
नेपाल शिक्षक शिक्षक महासंघको बैधानिक प्रबन्ध बमोजिम राष्ट्रिय समिति सदस्यमा मनोनीत भएको भन्दै पत्रमा यादवलाई हार्दिक बधाई समेत दिइएको छ ।
