न्यूज टुडे
राजविराज,२४ बैशाख ।
मादक पदार्थ सेवन गरि उपद्रो गरेको आरोपमा सप्तरीको हनुमाननगर कंकालिनी नगरपालिका १ भारदहबाट दुईजना पक्राउ परेका छन् । स्थानीय ३६ बर्षिय विनेश मण्डल र बर्ष ३१ का अनिल माझीलाई प्रहरीले नियन्त्रणमा लिएको हो ।
मधेस प्रदेश ०३-००२ ख २३७४ नम्बरको बसलाई रोकी चालक र सहचालकलाई अश्लील शब्दहरु प्रयोग गरि हातपात समेत गरेको उनीहरुमाथि आरोप छ ।
मादक पदार्थ सेवन गरि सवारी चालक र सहचालकमाथि दुर्व्यवहार गर्दै अपशब्द प्रयोग गरेको उजुरीको आधारमा दुबैजनालाई नियन्त्रणमा लिई अभद्र व्यवहार मुद्दा दर्ता गरि जिल्ला प्रशासन कार्यालय सप्तरीबाट ६ दिनको म्याद लिइ अनुसन्धान अगाडि बढाइएको प्रहरीले जनाएको छ ।
यसैगरी सवारी ज्यान कसुरमा महादेवा गाउँपालिका ४ का बर्ष २२ का विक्रमराज शुक्ला पक्राउ परेको जिल्ला प्रहरी कार्यालय सप्तरीले जनाएको छ ।
फत्तेपुर- कंचनपुर सडकखण्ड अन्तर्गत कंचनपुरबाट फत्तेपुर जाँदै गरेको बा ५ प २०२८ नम्बरको शुक्लाले चलाएको मोटरसाइकलले सप्तकोसी नगरपालिका ९ का बर्ष ७४ को मिश्रीलाल खंगलाई ठक्कर दिई मृत्यु भएको प्रहरीले बताएको छ ।
दुर्घटनामा गम्भीर घाइते खंगको विराटनगर स्थित न्यूरो अस्पतालमा उपचारको क्रममा सोमबार मृत्यु भएको प्रहरी बताएका छन् ।
पक्राउ परेका शुक्ला विरुद्ध सवारी ज्यान कसुर मुद्दा दर्ता गरि सप्तरी जिल्ला अदालत राजविराजबाट ४ दिनको म्याद लिइ अनुसन्धान अगाडि बढाइएको सप्तरीका प्रहरी प्रबक्ता डिएसपी डम्बरबहादुर पुरीले जानकारी दिए ।
