सप्तरी प्रहरीले ठूलो परिमाणमा गाँजा बरामद भएको छ । जिल्ला प्रहरी कार्यालय सप्तरीद्वारा शनिबार पत्रकार सम्मेलनमार्फत ७ सय २६ किलो गाँजा बरामद भएको जानकारी गराएको हो ।
प्रहरीद्वारा बरामद गरेको गाँजा । फोटो : न्यूज टुडे
बाेदेबर्साइन नगरपालिका ३ स्थितबाट ७ सय २६ किलो गाँजा बरामद भएको सप्तरीका प्रहरी प्रमुख एसपी ढकेन्द्र खतिवडाले जानकारी दिए ।
उक्त स्थानबाट प्रहरीले प्र-१-०२-००३च५८३४ नम्बरको एउटा स्करपिओ गाडी समेत बरामद गरेको उनले बताए ।
स्कारपियोभित्र बोरामा प्याक गरिएको उक्त गाँजा प्रहरीले नियन्त्रणमा लिई जिल्ला प्रहरी कार्यालय सप्तरीमा ल्याइएको बताए । बरामद गाँजा कहाँबाट कसरी ल्याइएको भन्ने सम्बन्धमा थप अनुसन्धान भइरहेको प्रहरी उपरीक्षक खतिवडाले बताए ।
