न्यूज टुडे
राजविराज,२९ चैत ।
आफ्नै छिमेकीले अपहरण गरि बन्धन बनाएको भनिएको सप्तरीको तिलाठीकोइलाडी गाउँपालिका ६ का १४ बर्षिय बालक अमन कुमार यादव शनिबार साँझ भेटिएका छन् । सप्तरीको हनुमान नगर कंकालीनी नगरपालिका ९ स्थित हनुमान नगर बजारमा उनी फेला परेका हुन् ।
चार महिनादेखि बेपत्ता भएका उनलाई इलाका प्रहरी कार्यालय हनुमान नगरले फेला पारी शनिबार राती प्रहरी चौकी को. बर्साइन पठाइएको थियो ।
बालकको बुवा जयकृष्ण यादवसहित आफन्तहरुलाई को. बर्साइन प्रहरी चौकीबाट शनिबार राती १० बजे जिम्मा लगाएको प्रहरीले जनाएको छ ।
जयकृष्णले छोरा हराएको भनी २०८२ माघ २२ गते जिल्ला प्रहरी कार्यालयमा खोजतलासका लागि हुलिया निवेदन दिएका थिए । जिल्ला प्रहरी कार्यालय र मातहतबाट खोजी कार्य तीब्र पारिएको र फेला पारी आफन्तको जिम्मा लगाएको सप्तरीका प्रहरी प्रबक्ता डिएसपी डम्बर बहादुर पुरीले जानकारी दिए ।
यता हराएका बालक अमनलाई छिमेकी रामदेव यादव र कारी यादवले अपहरण गरि बन्धक बनाएको तथा फिरौती मागेको भन्दै उनको बुवा जयकृष्णसहितले शुक्रबार पत्रकार सम्मेलन गरि आरोप लगाएका थिए ।
आरोपी रामदेव यादवले रिसीवी साध्न निरधार लान्छना लगाएर चरीत्र हत्या गरेको भन्दै आपत्ति जनाएका थिए ।
