न्यूज टुडे
राजविराज, १६ पुस ।
श्रीपुर्राज सामुदायिक विकास केन्द्र सुरुङ्गा नगरपालिका ६ सप्तरीको बार्षिक कार्यक्रम समिक्षा बैठक सम्पन्न भएको छ । संस्थाको कोषाध्यक्ष धनजीत कुमार भगतको अध्यक्षता तथा जिल्ला समन्वय समिति सप्तरीका प्रमुख शिवनारायण साहको प्रमुख आतिथ्यमा राजविराजमा मंगलबार आयोजित एक समारोहका वीच समिक्षा बैठक सम्पन्न भएको हो ।
कार्यक्रममा प्रमुख अतिथि साह, पूर्व विधायक असर्फी सदा, रुपनी गाउँपालिकाका अध्यक्ष दिनेश कुमार यादव, नेपाल पत्रकार महासंघ सप्तरीका अध्यक्ष श्रवण कुमार देव, मधु सदालगायतकाले मन्तव्य व्यक्त गर्दै संस्थाले हरवा-चरवाको अधिकार सुनिश्चितताको लागि गरेको योगदानको प्रशंसा गर्दै कार्यक्रमलाई थप प्रभावकारी बनाउँदै निरन्तरतामा जोड दिए ।
कार्यक्रममा श्रीपुर्राज सामुदायिक विकास केन्द्रका कार्यक्रम संयोजक मनोज गौतमले द फ्रीडम फण्डको सहयोगमा संस्थाले हरव चरवाको पक्षमा गरेको कार्यसहितको बार्षिक प्रगति प्रतिवेदन प्रस्तुत गरे । उनले हरवा चरवाको अस्तित्वको पहिचान, अधिकार प्राप्ति नै हाम्रो अभियान रहेको भन्दै सरोकारवालाहरुलाई आवश्यक सहयोगका लागि आग्रह गरे ।
श्रीपुर्राज सामुदायिक विकास केन्द्रका हरवा चरवा सहजकर्ता विजुली रामद्वारा संचालित कार्यक्रममा स्वागत संचालक समिति सदस्य दिनेश चौधरीले गरे ।
कार्यक्रममा शम्भुनाथ नगरपालिकाकी कार्यबाहक मेयर अनिता देवी चौधरीसहित जनप्रतिनिधि, पत्रकार, विभिन्न संघसंस्थाका प्रतिनिधिलगायतका हरवा चरवाको क्षेत्रमा सक्रिय अभियानताहरुको सहभागीता रहेको थियो ।