न्यूज टुडे
राजविराज, ०९ साउन ।
काठमाडौँबाट पोखरातर्फ उड्ने क्रममा सौर्य एयरको विमान त्रिभुवन अन्तर्राष्ट्रिय विमानस्थलमा बुधबार दुर्घटनामा परेको छ । सौर्य एअरलाइन्सको सौर्य एयर ९ एन एएमई जहाज दुर्घटना हुँदा विमानमा सवार सप्तरीका सहित गरी १५ जनाको मृत्यु भएको हो ।
दुर्घटनामा परेका ४ जनाको उद्दार गरि शिक्षण अस्पतालमा पठाएको र जहाजमा रहेका क्याप्टेन मनीष शाक्यलाई उद्धार गरेर केएमसी अस्पतालमा उपचार भइरहेको प्रहरीले जानकारी दिएको छ । उक्त जहाज उड्ने क्रममा त्रिभुवन अन्तर्राष्ट्रिय विमानस्थलको ‘रन वे’ पूर्वतर्फको खाल्डोमा खसेको थियो ।
मृतकको शव महाराजगञ्ज अवस्थित त्रिभुवन विश्वविद्यालय शिक्षण अस्पतालमा पठाइएको छ । मर्मतका लागि कर्मचारी र प्राविधिक लिएर पोखरा जाँदै गरेको उक्त विमान बुधबार ११ बजे दुर्घटना भएको थियो । विवानमा चालकदलका सदस्य सहित १९ जना रहेको जनाइएको छ ।