न्यूज टुडे
राजविराज, ३० असार ।
सप्तरी र सुनसरीको सिमानामा पर्ने कोशी ब्यारेज स्थित सप्तकोशी नदीमा शुक्रबार खसेको मालवाहक ट्रक निकालिएको छ ।
बससँग ठोक्किएर कोशीमा खसेको मे १ ख ३००७ नम्बरको मालवाहक ट्रक शनिबार निकालिएको हो ।
क्रेनको सहयोगमा ट्रक नदीबाट निकालिएको प्रहरीले जनाएको छ । ट्रक निकाल्ने क्रममा केही बेर ब्यारेज पुलमा आवागमन रोकिएको जिल्ला प्रहरी कार्यालय सप्तरीले जनाएको छ ।
कोशी ब्यारेजको पुलको १० नम्बर ढोकाअगाडि ट्रक सप्तकोशी नदीमा खसेको थियो ।
उक्त ट्रकमा चालकसहित तिनजाना सवार रहेका थिए । ट्रकमा सवार तीनजनालाई तत्कालै सकुशल उद्धार गरिएको थियो ।