चन्दन रौनियार । नेपाली गीत–सङ्गीतमा अझ भनौं गायनमा अहिले चर्चाको शिखरमा पुग्न सफल गायिका हुन मेनुका राई । जहाँ इच्छा त्यहाँ उपाय भने जस्तै सानैदेखिको रहर र रुचीलाई अङ्गीकार गर्दै यस क्षेत्रमा पाइला चालेकी मेनुका निकै मिहेनती छिन् ।
प्रायःजसो सबै प्रकारका गीतहरुमा आवाज दिनसक्ने खुब भएकी मेनुकाको रोजाइमा भने निक्कै चर्चित गीतहरु नै पर्नेगरेका छन् । गीतको भावलाई जीवन्तता दिन गायिका मेनुकाले कुनै कसर बाँकि राखेको छैनन् । परिणामस्वरुप उनले गाएको गीतहरु निक्कै नै उत्कृष्ट बन्ने गरेको छ । खोटाङ जिल्लामा जन्मिएकी उनी एउटा छुट्टै प्रकारको, जोश जाँगर भएकी मेनुकाले रेडियो नेपालमा २०५६ सालमा गीत गाएर साङ्गीतिक यात्रा आरम्भ गरेकी हुन् ।
उनले सोहि समयमा मौरी घुम्छ फुलको बोटैमा गीत गाइन् र त्यसैले उनलाइ चिनाउने काम ग¥यो । यहि गीतबाट मेनुकाले सफलताको उकालो चढ्न सुरु भने गरिन् भन्दा फरक नपर्ला । हाल यीनै मेनुकाले साङ्गीतिक कोसेली ‘लाइफ’ लिएर श्रोता तथा दर्शकमाझ आएकी छन् । कुनै समय ‘माया आरिसे’ बोलको लोक आधुनिक गीतमार्फत गायन क्षेत्रमा चर्चामा आएकी मेनुकाको यो तेस्रो एल्बम हो । यसअघि उनले ‘माया आरिसे’ र ‘१, २, ३’ नामक एल्बम ल्याएकी थिइन् ।
सार्वजनिक एल्बम ‘लाईफ’ मा ६ वटा लोक आधुनिक गीत रहेको छ भने दुई गीतको म्युजिक ट्रयाक समेत समेटिएको छ । एल्बममा दुई दिने जीन्दगी, साकेला गीत, वितेका ती पलहरु, जुनीजुनीसम्म र माया आरिसे बोलका गीत समावेश छन् । ‘माया आरिसे’ मेनुकाको चर्चित गीत हो ।
एल्बमको अन्य गीतमा भुपेन्द्र खड्का, पवित्रा चाम्लिङ राई र रिदम राईको शब्द–रचना रहेको छ । ती गीतमा राज्य राई, पवित्रा चाम्लिङ राई र रिदम राईकै सङ्गीत रहेको छ । एल्बममा समावेश गीतमध्ये ‘दुईदिने जीन्दगी’ लाई भिडियोमा ल्याइएको छ । ‘हे प्यारा प्यारा’ शीर्षक दिइएको यस भिडियोमा अकेशा विष्ट र बोनी एण्ड गु्रपको अभिनय रहेको छ ।
उक्त भिडियोलाई पासाङ योन्जन लामाले निर्देशन गरेका छन् । मेनुकाको ‘लाइफ’ को अडियोलाई रिभेन्स म्युजिक क्रियेशनले बजारमा प्रस्तुत गरेको हो । नायिकामा हुने गुण पनि प्रशस्तै छ उनमा । जति मीठो स्वर छ त्यति नै शारीरिक सुन्दरता पनि छ । बहु प्रतिभाको धनी मेनुका दिक्तेल बजार गीतमार्फत गायिकाका रुपमा चिनिएकी हुन्। काम ढिलै भएता पनि दर्शकहरुको मन मुटुमा छाप पार्न सफल गीत ल्याउने उनको दावी थियो ।
मेनुकाले आवाज दिएको गीतहरुले दिनानु दिन बजारमा चर्चा कमाउन सफल भएका छन् । उनले गाएका गीतहरु प्रायः मन छुन सफल हुन्छन् र उत्कृष्ठ बन्न पुग्छन् । आफ्नो माता पिताको आर्शिवादले तथा साथीभाइको प्रेरणाले यो स्थान सम्म आइपुग्न सफल मेनुका भन्छिन ‘मैले धेरै बर्ष अघिदेखि यस क्षेत्रमा सक्रियता देखाए तापनि मिडियामा भने ओझेलमा पर्नेगरेकी छिन् । त्यसो त अनावश्यक चर्चा र सस्तो लोकप्रियता कमाउनकै लागि मिडियामा प्रचार गर्नु भन्दा पहिले आफनो क्षेत्रमा दत्तचित्त भइ काम गर्नाले नै सफलता मिल्ने उनको बुझाई छ ।