राजविराज, ४ भदौ । सप्तरीको मलेकपुर गाउँ विकास समिति वडा नम्वर–३ बाट चोरी भएको मोटरसाइकल सहित चोरलाई सप्तरी प्रहरीले पक्राउ गरेको छ ।
मलेकपुर–५ का गजेन्द्र यादवको स ४ प ६२९१ नम्वरको डिस्कभर मोटर साइकल प्रहरीले बरामद गरेको हो । शुक्रवार गते दिउँसो १.३० बजेको समयबाट हराएकोमा उक्त मोटरसाइकल सुरक्षा बेस क्याम्प पत्थरगाडाबाट खटिएको प्रहरी टोलीले ब्रम्हपुर–८ बाट मलेकपुर ५ का २४ वर्षिय दिपक कुमार यादव र बेल्हीचपेना–३ का १५ वर्षिय मोहमद आलमलाई चोरी भएको मोटरसाईकल सहित पक्राउ गरी थप अनुसन्धान भईरहेको प्रहरी उपरीक्षक भीम प्रसाद ढकालले जानकारी दिएका छन् ।
यसैगरी सप्तरी मलेठ–४ का मो. मुस्तकिमको स २ प ३७१९ को ग्यालिडिएटर मोटरसाइकल शुक्रवार राजविराज–७ बाट हराएकोमा उक्त मोटरसाइकल वडा प्रहरी कार्यालय राजविराजको प्रहरी टोलीले फेला पार्न सफल भएको छ । खोज तलास गर्ने क्रममा शनिवार विहान जमुनी मधेपुरा–१ बाट सोही ठाउँका २१ वर्षिय मिथिलेश यादव र २१ वर्षिय अजय मण्डललाई चोरी भएको मोटरसाइकलसहित पक्राउ गरी थप अनुसन्धान भई रहेको जिल्ला प्रहरी कार्यालय सप्तरीले जनाएको छ ।