रामनाथ यादव
राजविराज , २८ वैशाख ।
सप्तरीको तिलाठी काेइलाडी गाउँपालिका ६ वभनगामाका अग्नी पीडित घरवारविहीन हुँदा विचल्लीमा परेका छन् । आगोले सर्वस्व गुमेपछि उनीहरू खुल्ला आकाशमुनी अभावको जीवनयापन गर्न बाध्य भएका हुन् ।
आगलागीका कारण उनीहरूको उठिबास भएको छ ।अग्निपीडित रामअवतार यादव ,जुगेश्वर यादव ,वृद्ध एकल महिला जहरी देवी यादवको सबै सामान जल्दा उनीहरूकाे दैनिकी कठिन बनेको स्थानीयले बताए । उनीहरुले त्रिपाल मुनि नै बालबच्चासहित कष्टपूर्ण रात विताउँने गरेका छन् ।
खाना वनाउनका लागि नत चुलाे , नत खाद्यन्न केही नहुँदा चुल्हो बन्द भएको पीडित रामअवतार यादवले वताए ।उनले ‘दिउँसो गर्मी हुँदा र पानी पर्दा ओत लाग्ने छाना नहुँदा राम्ररी निदाउनसमेत नपाएको दुखेसो पोखे ।
गाउँपालिकाले पीडितलाई खाद्यान्न लगायतका सामग्री सहयोग गरेपनि पकाउने भाडाकुडाको अभाव खेपिरहेको उनले बताए ।
भएजती सबै धनमाल, लत्ताकपडा र वर्षभरि खाने धान चामल जलेर नष्ट भएको सम्झदा चिन्ताले सताउन थालेको जुगेश्वर यादवले वताए । कपडा,भाडाकुडा र बस्ने बास नहुँदा बालबालिका, महिला र वृद्धवृद्धालाई धेरै समस्या भएको उनले वताए । यादवले बस्ने घर नहुँदा गर्मीयाममा धेरै समस्या भएको दु:खेसाे सुनाए । जलेको घरमै खाट लगाएर आकाश मुनि रात विताउने गरेका उनले वताए ।
वैशाखकाे चर्काे घाममा खुला आकाशमुनि सुत्नुपर्दा लामखुट्टे र सर्पदंशकाे डर हुने गरेको पीडित जुगेश्वरले बताए । अहिले तत्काल खाद्यान्न र लत्ताकपडासहितको अति अत्यावश्यक रहेकोको उनले बताए ।