न्यूज टुडे
राजविराज, २२ बैशाख ।
सप्तरीको रुपनी गाउँपालिकामा मंगलबार कृषि तथा पोषण प्रदर्शनी मेला आयोजना गरिएको छ । केयर नेपालको सहयोग र रुपनी गाउँपालिकाको सहकार्यमा राष्ट्रिय कृषक महासंघ नेपालद्वारा संचालित पोषण परियोजनाले कृषि तथा पोषण मेला प्रदर्शनी गरेको हो ।
मेलामा रुपनी गाउँपालिका अन्तर्गत विभिन्न वडाका कृषकहरुले उत्पादन गरेको कृषि उपज तथा पोषण सुरक्षाका लागि आवश्यक कृषि उत्पादनहरु, कृषि सामाग्रीहरु प्रदर्शनीमा राखिएको थियो ।
पालिकामा क्रियाशिल २९ वटा महिला कृषक समुहले उत्पादन गरेको तरकारी, दलहन, अन्नसहित कृषि उपज मेलामा प्रदर्शनी गरिएको राष्ट्रिय कृषक समुह महासंघ नेपालका कृषि तथा बजारीकरण अधिकृत संजय कुमार पण्डितले बताए ।
मेलामा फर्सी,लौका,घिरौला,बोडी,भिन्टी,
प्रदर्शनीमा सहभागी प्रथम, दोश्रो र तेस्रो स्थान प्राप्त गर्ने तथा उत्कृष्ट कृषक समुहलाई पुरस्कार स्वरुप मायाको चिनो प्रदान गरिको थियो ।
उक्त प्रदर्शनी मेलामा रुपनी गाउँपालिका अध्यक्ष दिनेश कुमार यादव, प्रमुख प्रशासकीय अधिकृत हरिमोहन सुतिहार, विभिन्न वडाका अध्यक्षहरु, कार्यपालिका सदस्यहरु, विभिन्न शाखाका प्रमुख, संचारकर्मी, महिला स्वास्थ्य स्वयंसेविका, कृषक समुहका कृषकहरुको सहभागिता थियो ।