उत्तम आचार्य
कन्चनरुप , १६ फागुन ।
जनमत पार्टीकी नेत्री तथा कञ्चनरूप नगरपालिकाकी उपमेयरकी प्रत्यासी सम्झना राना मगर चौधरी नेकपा एमाले प्रवेश गरेकी छन् । कञ्चनरुपमा शनिबार आयोजित एक कार्यक्रमको वीच राना चौधरीको नेतृत्वमा सयौंको संख्यामा जनमत पार्टी परित्याग गरी उनीहरु नेकपा एमालेमा प्रवेश गरेका हुन् ।
सप्तरी क्षेत्र नम्बर १ का उम्मेदवार सुमनराज प्याकुरेलले टीका र गम्छा ओढाएर स्वागत गर्दै पार्टीमा प्रवेश गराएका थिए ।
पार्टी प्रवेश गर्दै उपमेयरकी प्रत्यासी राना चौधरीले देशको हितमा काम गर्ने र जनतालाई माया गर्ने बिकास प्रेमी पार्टी एमाले भएकोले आफू लगायत सम्पुर्ण साथीहरु एमालेमा प्रवेश गरेको बताइन् ।
कार्यक्रममा एमालेका नेता तथा कार्यकर्ताहरुको सहभागिता रहेको जनाएको छ ।