न्यूज टुडे
राजविराज,१८ पुस ।
नेपाल पत्रकार महासंघ सप्तरीद्वारा नेपाल पत्रकार महासंघ सप्तरीका पूर्व सभापति एवम् प्रेस स्वतन्त्रता सेनानी वरिष्ठ पत्रकार वैद्यनाथ झाको आमाको निधनप्रति गहिरो दुख व्यक्त गरेको छ । नेपाल पत्रकार महासंघ सप्तरीद्वारा शुक्रबार एक प्रेस विज्ञप्ति जारी गर्दै वरिष्ठ पत्रकार झाकी आमा चन्द्रा देवी झाको निधनप्रति गहिरो दुख व्यक्त गरेको हो ।
सह सचिव डम्बर राईद्वारा हस्ताक्षरित प्रेस विज्ञप्तिमा पत्रकार झाको आमाको निधनको खबरले सम्पुर्ण महासंघ परिवारलाई नै स्तब्ध तुल्याएको उल्लेख छ । विज्ञप्तिमा स्वर्गीय झाको आत्माको चिरशान्तिको कामना गर्दै शोकाकुल परिवारजनमा समवेदना समेत व्यक्त गरिएको छ ।
राजविराज ७ निवासी पत्रकार झाकी आमा चन्द्रादेवी झाको गत पुस १५ गते मंगलबार साँझ ०५:३० बजे ९५ बर्षको उमेरमा निधन भएको थियो ।
स्वर्गीय झाको १ मात्र छोरा पत्रकार झा र ५ बहिनी छोरी छन् ।
