न्यूज टुडे
राजविराज,०१ पुस ।
सप्तरीको अग्नीसाईर कृष्णासवरन गाउँपालिकाद्वारा सशस्त्र प्रहरीलाई विपद जोखिम प्रतिरक्षा विभिन्न सामाग्री हस्तान्तरण गरेको छ । सशस्त्र प्रहरी बल सुरक्षा बेस कलौनी सितापुरलाई गाउँपालिकामा मंगलबार आयोजित एक कार्यक्रमको वीच विपद जोखिम प्रतिरक्षा विभिन्न ११ वटा सामाग्री हस्तान्तरण गरेको हो ।
गाउँपालिका प्राङ्गणमा आयोजित कार्यक्रममा गाउँपालिका कार्यबाहक अध्यक्ष कल्पना कुमारी चौधरीले सुरक्षा बेसका प्रमुख सशस्त्र प्रहरी निरीक्षक अशोक यादवलाई आगलागी तथा बाढीको जोखिमबाट बचाउन प्रयोग गरिने सामग्री हस्तान्तरण गरिन ।
आगलागी, बढी जस्ता जोखिमको क्षति न्यूनीकरण गर्न तथा घटनामा उद्वारमा खटिने सशस्त्र प्रहरी बललाई आवश्यक हुने थोरै सामाग्री सहयोग गरेको कार्यबाहक अध्यक्ष चौधरीले बताइन् । उनले यस्ता सानो कामले पनि सशस्त्र प्रहरीको मनोबल र हौसला उच्च राख्न सहयोग पुग्ने विश्वास व्यक्त गरिन ।
सशस्त्र प्रहरी निरीक्षक यादवले विपदमा खटिदा आवश्यक सामाग्री प्राप्त भएकोमा खुशी व्यक्त गर्दै यसको सदुपयोग गर्ने प्रतिबद्धता व्यक्त गरे ।
गाउँपालिकाद्वारा सहयोग सामाग्रीहरुमा लाडक ज्याकेट,हेल्मेट,फायर माक्र्स,लाईफ व्वाई फायर पेन्ट फायर बाल्टिन,फायर सुट, गम बुट , फायर स्प्रे, स्ट्राइकर लगायतका छन् ।