न्यूज टुडे
राजविराज,१० असोज ।
सप्तरीको अग्नीसाइर कृष्णासवरन गाउँपालिका १ स्थित खोला किनारमा शुक्रबार घाँस काट्न गएकी एक महिला मृत फेला परेकी छन् । स्थानीय अन्दाजी बर्ष ५६ की घुर्नीदेवी साह मृत भेटिएकी हुन् ।
चुरेबन नजिकैको खोलाको डिलमा घाँस काट्दै गरेको बेला बेहोस भई ढलेपछी साहको मृत्यु भएको स्थानीयले बताएका छन् ।
साहको शव देखेपछि स्थानीयले दिउँसो ०२ : ३० बजे खबर गरेपछि घटना स्थलमा पुग्दा उनलाई मृत्यु भइसकेको अवस्थामा भेटिएको प्रहरीले जनाएको छ ।
घास काट्न गएकी साह अत्याधिक गर्मी सहन नसकी बेहोस भई ढ्ल्दा मृत्यु भएको हुनसक्ने प्रहरीको अनुमान छ ।
घटना स्थलमा स्थानीय मुचुल्कासहितको कानूनी प्रक्रिया पूरा गरि मृतक साहको शव परिक्षणका लागि राजविराज पठाइएको तथा घटना बारे थप अनुसन्धान भइरहेको प्रहरीले जनाएको छ ।