न्यूज टुडे
राजविराज, २२ भदौ ।
आयोजक युनिटी एफसी (ए) विरेन्द्र बजार’ दोश्रो नाइनसाइड पच शिल्ड फुटबल प्रतियोगिताको सेमिफाइनल प्रवेश गरेको छ । आइतबार सम्पन्न तेस्रो क्वाटर फाइनल खेलमा जगमोहन एफसीलाई ०-३ गोलान्तरले पराजित गर्दै विरेन्द्र बजार सेमिफाइनल प्रवेश गरेको हो ।
रुपनी ६ स्थित युनिटी एफसी विरेन्द्र बजारको खेलमैदानमा सम्पन्न खेलको पहिलो हापको ९ औ मिनेटमा आयोजक टिमका जर्सी नम्बर १० का पासाङ तामाङले १ गोल गरि टिमलाई अगाडि बढाए ।
दुबै टिम वीचको प्रतिस्पर्धात्मक खेलको दोश्रो हापको १५ औ मिनेटमा जर्सी नम्बर ११ का संदेश चौधरीले १ गोल थपेर टिमलाई २ गोलको अग्रता दिलाए । यसैगरी दोश्रो हापको २९ औ मिनेटमा जर्सी नम्बर १० कै पासाङ तामाङले १ गोल गरेपछि विरेन्द्र बजार ३ गोलले विजयी भएको थियो ।
दुबैटिम वीच कडा प्रतिस्पर्धा भएको निर्धारित ७० औ मिनेटको खेल अवधिमा जगमोहन एफसीले कुनैपनी गोल फर्काउन नसकेको आयोजक समितिका राम बहादुर गोलेले जानकारी दिए ।
प्रतियोगितामा रिभरसाइड एफसी,नव बुद्ध युथ क्लब,कंकालिनी एफसी,मधेस प्रदेश प्रहरी तालिम केन्द्र,सन्जनदिप होस्पिटल राजविराज,,मुसहर्नीया एफसी, श्री सन्यासी युवा क्लब, आयोजक युनिटी एफसी ( बि),श्री बाबा धिर युवा एफसी,शम्भुनाथ एफसी,लालिगुराँश एफसी, ट्राफिक एफसी, यूनिटी एफसी विरेन्द्र बजार ( ए), जगमोहन एफसी र कंचनपुर एफसी गरि १५ टिम सहभागी रहेका छन् ।
प्रतियोगिता अन्तर्गत सोमबारको खेल सन्यासी युवा क्लब पोखरीया र मुसहर्निया एफसी खडक नगरपालिका वीच अपराह्न ०४: १५ बजेदेखि सुरु हुने आयोजक समितिका आयूष तामाङले जानकारी दिए ।
प्रतियोगितामा विजेता टिमलाई नगद २० हजार, शिल्ड मेडल, प्रमाणपत्र तथा उपविजेता टिमलाई नगद १० हजार, कप, मेडाल प्रमाणपत्र प्रदान गरिने आयोजक समितिका अध्यक्ष रोहित मगरले जानकारी दिए ।