न्यूज टुडे
राजविराज,१७ भदौ ।
जनता समाजवादी पार्टी(जसपा) नेपालको शुभेच्छुक संस्था प्रेस मञ्च नेपालको मधेश प्रदेश समितिको दोश्रो अधिबेशन सम्पन्न भएको छ । सिरहाको मिर्चैया नगरपालिकामा मंगलबार सम्पन्न अधिबेशनले अभरेन्द्र कुमार यादवको नेतृत्वमा २१ सदस्यीय प्रदेश समिति गठनगरेको हो ।
गठित समितिको उपाध्यक्षमा रामहृदय यादव(धनुषा), माला राय(धनुषा), मुख्यसचिवमा प्रवेश कुमार मिश्र(सप्तरी, सचिवमा नागेन्द्र यादव(महोत्तरी), प्रभा कुमारी यादव(पर्सा) र समावेशी सचिवमा राम पुकार राउत(रौतहट) र सरोज कुमार यादव(सर्लाही) र कोषाध्यक्षमा राजेश कुमार सिंह चयन भएका छन् ।
यसैगरी समितिको सदस्यहरुमा उमेश यादव(रौतहट), राजेश प्रसाद यादव(बारा), शितल साह(सिरहा), ओमप्रकाश यादव(सिरहा), विनय कुमार अधिकारी(धनुषा), बह्मान्नद ठाकुर(धनुषा) र मेवालाल यादव(रौतहट) सदस्यमा चयन भएका छन् ।
त्यस्तै, महिला सदस्यमा रश्मी पटेल(रौतहट), आदिवासी जनजाती तर्फ जितेन्द्र सिंह दनुवार(सिरहा) र ज्ञानेश्वर मण्डल(सर्लाही) रहेका छन् भने साविर आलम मुस्लिम सदस्यमा चयन भएका छन् ।
अधिवेशनमा मधेश प्रदेशको ८ जिल्ला र अन्य प्रदेशबाट समेत जिल्ला पार्षद, केन्द्रिय पार्षदको सहमती मै अध्यक्षमा यादव सर्वसहमती चयन भएको निर्वाचन समितिका सदस्य शिव अधिकारी यदुवंशीले जनाएका छन् ।
निर्वाचन समितिका सदस्य शिव अधिकारी यदुवंशीका अनुसार सो समिति दुईपक्षीय सहमतीका आधारमा समिति सर्वसहमति मै समिति चयन भएको हो ।
चयन समितिलाई प्रेस मञ्च नेपालका अध्यक्ष कमन देवान, उपाध्यक्ष मनोज कुमार यादव सहित केन्द्रिय पदाधिकारीहरुले बधाई तथा शुभकामना दिएका थिए ।
