न्यूज टुडे
राजविराज,०८ भदौ ।
सप्तरीको कञ्चनरुप नगरपालिका ६ घोगनपुर स्थित चन्द्र नहरमा डुबेर आइतबार एक जनाको मृत्यु भएको छ । स्थानीय गुलै सदाको छोरा अन्दाजी बर्ष ४६ को सत्रुधन सादा नुहाउने क्रममा नहरमा डुवेर मृत्यु भएको हो ।
आइतबार मध्यान्ह १२ : १५ बजे नुहाउने क्रममा डुबी हराएकोमा स्थानिहरुले खोज तलास गर्दा सदा मृत अबस्थामा भेटिएको प्रहरीले जनाएको छ ।
सदालाई नहरबाट बाहिर निकालेको भन्ने जानकारी प्रहरी चौकी धरमपुरमा मध्यान्ह १२;३० बजेको समयमा प्राप्त हुन साथ प्रहरी टोली खटिगई घट्ना स्थल सुरक्षित राखी थप अनुसन्धान अगाडि बढाएको इलाका प्रहरी कार्यालय कंचनपुरले जनाएको छ ।
घटनास्थलमा इलाका प्रहरी कार्यालय कंचनपुरका प्रहरी निरीक्षक लेख बहादुर बिष्टको कमाण्डमा टोली पुगी कानून प्रक्रिया पूरा गरि शव परिक्षणका लागि राजविराज पठाएको जनाइएको छ ।
घट्ना स्थल प्रहरी चौकी धरपुरबाट २ किलो मीटर उत्तर रहेको प्रहरीले बताएको छ ।
