शिवनारायण साह ( सुरज )
राजविराज, २८ साउन ।
गणिनाथ गोविन्दसेवा समिति राजविराजको बार्षिक साधारणसभा सम्पन्न भएको छ । गणिनाथ गोविन्दसेवा समिति राजविराजद्वारा राजविराज स्थित डिहिवार थानको प्राङ्गणमा बुधबार आयोजित एक समारोहका वीच साधारणसभा सम्पन्न भएको हो ।
संस्थाका अध्यक्ष अनिल कुमार झाको अध्यक्षतामा सम्पन्न साधारणसभामा संस्थाका सचिब सत्रुधन साहले आव २०८१/०८२ को आर्थिक प्रतिबेदन पेश गरेका थिए भने शुभकामना मन्तव्य राधेश्याम साह, इन्जिनियर राधेकृष्ण साहले गरेका थिए । स्वागत उपाध्यक्ष शिष प्रसाद हलुवाई गरेका थिए ।
साधारणसभाले संस्थाको आगामी तीनबर्षे कार्यकालका लागि शिव प्रसाद हलुवाईको नेतृत्वमा ९ सदस्यीय कार्यसमिति गठन गरेको छ । गठित समितिको उपाध्यक्षमा शिवनारायण साह( सुरज) सचिबमा सत्रुधन साह र कोषाध्यक्षमा महेश प्रसाद साह चयन भएका छन् ।
यसैगरी समितिको सदस्यहरुमा रिमा झा,वविता साह,चन्देश्वर साह( राजा) उमेश साह र गणेश चौधरी रहेका छन् ।
साधारणसभाले एक अक्षयकोषको स्थापना समेत गरेको छ । साधारणसभाबाट निवर्तमान अध्यक्ष अनिल झाको नेतृत्वमा १५ सदस्यीय संरक्षक समिति समेत गठन गरेको नवगठित समितिका अध्यक्ष हलुवाईले जानकारी दिए ।
झा नेतृत्वका कार्य समितिले राजविराज ६ स्थित रहेको डिहिवार थानको प्राङ्गणमा गणिनाथ मन्दिर निर्माण गरि गणिनाथ बाबाको मुर्ति स्थापना गरेका छन् भने सोही स्थानमा धर्मशाला निर्माणाधीन अवस्थामा छ ।