न्यूज टुडे
राजविराज,२४ साउन ।
पूर्वपश्चिम राजमार्ग अन्तर्गत सप्तरीको अग्नीसाईर कृष्णासवरन गाउँपालिका २ स्थित चाँदनी चौकमा शनिबार बसको ठक्करबाट एक जनाको मृत्यु भएको छ । स्थानीय सितापुर निवासी बर्ष ६८को बुदुर चौधरीको घटना स्थलमै मृत्यु भएको हो ।
पश्चिमबाट पूर्व तर्फ गइरहेको प्र १-०१-००१ख ४५६० नम्बरको बसले सोही दिशातर्फ बाट जाँदै गरेको साइकल यात्रीलाई पछाडीबाट ठक्कर दिंदा चौधरीको घटना स्थलमै मृत्यु भएको प्रहरीले जनाएको छ । विहान ६ बजे सोही सडक हुँदै धानखेत तर्फ जाँदै गरेका उनलाई बसले ठक्कर दिदा घटना स्थमै ज्यान गएको स्थानीयले बताएका छन् ।
ठक्कर दिने बस र चालक इलाका प्रहरी कार्यालय कंचनपुरको नियन्त्रणमा रहेको तथा घटना बारे थप अनुसन्धान भइरहेको प्रहरीले जनाएको छ ।
घटना स्थलमा प्रहरी खटी मृतक चौधरीको शव परिक्षणका लागि गजेन्द्रनारायण सिंह अस्पताल राजविराज पठाएने तयारी भइरहेको प्रहरीले जनाएको छ ।
घटनापछि आक्रोशित स्थानीयबासी र मृतकका आफान्तहरुले विहान ६ बजेदेखि सडक अवरुद्ध गरेका छन् । बन्दका कारण सयौं सवारी साधन सडकमा थन्किदा हजारौं यात्रु सडकमै अलपत्र परेका छन् ।