न्यूज टुडे
राजविराज,१५ साउन
जनता समाजवादी पार्टी नेपाल सप्तरीको निर्वाचन साउन १७ हुने भएको छ । पार्टी निर्वाचन समितिले बिहिवार निर्वाचन तालिका सार्वजनिक गर्दै यस्तो जानकारी गराएको हो ।
जसपा नेपाल सप्तरीको एकताको प्रथम अधिवेशनको
बिहिवारको बन्द सत्रमार्फत जिल्ला कार्यसमिति चयनको प्रयास सफल नभएपछि चुनावी प्रक्रियामा गएको निर्वाचन समितिले जनाएको छ ।
निर्वाचन तालिका अनुसार साउन १५ गते ३:४० बजे मतदाता नामवाली प्रकाशन, ५ बजेदेखि ६ बजेसम्म मतदाता नामबलीमाथि दावी विरोध तथा संशोधन गर्ने र साँझ ८ बजे अन्तिम मतदाता नामावली प्रकाशित गर्ने कार्य तालिका रहेको छ ।
यसैगरी साउन १६ गते विहान ८ बजे देखि १० बजेसम्म मनोनयन दर्ता, ११ बजे उम्मेदवारको नामावली प्रकाशन, ११:१० देखि १२ बजेसम्म नामफिर्ता लिने, १२:५ देखीदेखि १ बजेसम्म दावी विरोध,, दिउसो २ बजे अन्तिम नामावली प्रकाशन गर्ने निर्वाचन तालिका रहेको छ ।
यसैगरी साउन १७ गते शनिवार बिहान ७ बजेदेखि दिउँसो ३ बजेसम्म मतदान गर्ने त्यसपछि सूचना प्रकाशित गरी मतगणना सम्पन्न गरिने निर्वाचन समितिद्वारा जारी सूचानामा उल्लेख छ ।
चुनावमा कुल ५ सय २४ मतदाता सहभागी रहने छ । जिल्ला अध्यक्ष पदका लागि वर्तमान अध्यक्ष केदार प्रसाद यादव, उपाध्यक्ष उमेशकुमार यादव र सचिव हरेराम यादव प्यानलसहित प्रतिस्पर्धा गर्ने चर्चा रहेको छ ।
