न्यूज टुडे
राजविराज,०४ साउन ।
सप्तरीको कंचनपुर स्थित रहेको विधुत प्राधिकरण वितरण शाखाको चरम लापरबाहीले त्यस क्षेत्रमा घण्टौ विधुत अवरुद्ध भएको छ । अत्याधिक गर्मी बढेको बेला १० घण्टादेखि विधुत अवरुद्ध हुँदा सर्वसाधारणहरु सास्ती खेप्न बाध्य भएका छन् ।
शनिबार राती ११ बजे देखि अवरुद्ध विधुत हालसम्म पनि सुचारु नभएको अग्नीसाइर कृष्णासवरन गाउँपालिका २ का दिपेन्द्र कुमार चौधरीले बताए । उनले अत्याधिक गर्मी बढेको बेला घण्टौसम्म विधुत अवरुद्ध हुँदा ठूलो सास्ती खेप्नु परेको दुखेसो पोखे ।
विधुत अबरुद्ध हुँदा गर्मीले रातभरी जाग्राम बस्नु परेको बताउंदै उनले विधुतका कर्मचारीहरुलाई फोन गरि जानकारी गराउँदा समेत सुनुवाइ नभएको गुनासो गरे ।
प्राधिकरणको लापरबाहीको कारण बृद्ववृद्वा र बालबालिका बढी प्रभावित भएको उनले बताए । राती ११ बजेदेखी अवरुद्ध विधुत विहान ९ बजेसम्म पनि संचालनमा नआएको चौधरीले जानकारी दिए ।
नेपाल विधुत प्राधिकरण वितरण शाखा कंचनपुरका प्रमुख अरुण कुमार साहले महुलीदेखि चाँदनी चौक- सितापुर क्ष्रेत्रको एक फेज विधुतमा समस्या आउँदा विधुत अवरुद्ध हुन पुगेको बताए । उनले समस्या आएको क्षेत्रमा प्राविधिक टोली खटिएकाले चाँडै विधुत सुचारु हुने जानकारी दिए ।