न्यूज टुडे
राजविराज, ०४ मंसिर ।
सप्तरी प्रहरीले सक्रियता बढाएसंगै विभिन्न मुद्दामा दोषी ठहर भइ फरार प्रतिवादीहरु धमाधम पक्राउ पर्न थालेका छन् । जिल्ला प्रहरी कार्यालय तथा मातहतका कार्यालयहरुले सोमबार १६ जना विभिन्न मुद्दाको प्रतिवादीलाई नियन्त्रणमा लिएका हुन् ।
जिल्ला प्रहरी कार्यालय सप्तरीद्वारा मंगलबार एक प्रेस विज्ञप्ति जारी गर्दै चोरी, कुटपिट, जालसाजी,अपराधिक उपद्रव,चेक अनादर,वन मुद्दा,कुटपिट अंगभंग,आदेशको अवहेलना,घरेली हिंसा मुद्दाका १६ जना फरार प्रतिवादी पक्राउ गरीएको जनाएको हो ।
जिल्ला प्रहरी कार्यालयद्वारा जारी प्रेस विज्ञप्ति अनुसार १ बर्ष ११ महिना ८ दिन कैद र २० हजार जरिवाना तोकिएका अपराधिक उपद्रव, मुद्दाका कंचनपुर ८का सागर चौधरी, सोही स्थान अपराधिक उपद्रव मुद्दामा १ बर्ष ११ महिना ५ दिन कैद र २० हजार जरिवाना भएका सोनु मण्डल, चेक अनदार मुद्दाका खडक नगरपालिका ३ का प्रदिप कुमार चौधरी,जालसाजी मुद्दाका डाक्नेश्वरी नगरपालिका ६ का हरिलाल यादव, सोही ठाउँका जालसाजी मुद्दाकैभुट्टी देवी, दमर नारायण मण्डल, वन मुद्दाका बोदेबर्साईन नगरपालिका १ का विजय कुमार पण्डित,चोरी मुद्दाका खडक नगरपालिका ९ का मो.आस्लाम पक्राउ गरेका छन् ।
यसैगरी कुटपिट अंगभंग सुरुङ्गा नगरपालिका ८ का राजकुमार राम, राजगढ गापा ५ का श्रवण कुमार राम, सोही ठाउँका ममता देवी राम, आदेशको अपहेलना मुद्दाका तिलाठी कोइलाडी गाउँपालिका ८ का विनेश मण्डल, घरेलु हिंसा मुद्दाका हनुम्मन नगर कंकालिनी नगरपालिका १४ का मुकेश कुमार साह,शत्रुधन साह,दुर्गा देवी साह,धर्मेन्द्र कुमार साह पक्राउ परेका छन् ।
उनीहरुलाई रु १ हजार देखि २० हजारसम्म जरिवाना तोकिएको छ । ऊनीहरुलाई कैद तथा जरिवाना भुक्तानका लागि मंगलबार सप्तरी जिल्ला अदालत राजविराज दाखिला गरिएको जिल्ला प्रहरी कार्यालय सप्तरीका सूचना अधिकारी जितेन्द्र कुमार बस्नेतद्वारा जारी प्रेस विज्ञप्तिमा उल्लेख गरिएको छ ।
सप्तरीमा प्रहरी प्रमुख एसपी ढकेन्द्र खतिवडा र डिएसपी जितेन्द्र कुमार बस्नेत आएपछि विभिन्न मुद्दाका फरार प्रतिवादी तथा चोरी तस्करी तथा अपराधिक क्रियाकलापमा संलग्नहरु धमाधम पक्राउ पर्न थालेका छन् ।
