पलान्टीमा दुबै टिमले ८-८ पटक गोल प्रहार गरेपनि कंकालिनी युवा क्लब सितापुर नयाँटोलका गोल रक्षक रितेस चौधरीले २ गोल रोक्न सफल भएपछि ६ -७ गोलले जित हाँसिल गरेको समितिका अध्यक्ष उमेश कुमार चौधरीले जानकारी दिए ।
आयोजक समितिका अध्यक्ष चौधरीको अध्यक्षमा आयोजित कार्यक्रममा प्रमुख अतिथि गाउँपालिका अध्यक्ष दिनानाथ चौधरीले विजेता टिमलाई नगद, शिल्ड, मेडल, प्रमाणपत्र प्रदान गरे । यसैगरी उपविजेता टिमलाई विशिष्ट अतिथि वडा नम्बर २ का वडा अध्यक्ष पशुपति प्रसाद चौधरीले नगद, कप, मेडल प्रमाणपत्र प्रदान गरे ।
कार्यक्रममा उपाध्यक्ष कल्पना कुमारी चौधरी, वडा नम्बर ३ का अध्यक्ष गोपाल प्रसाद चौधरी, ४ का तेज नारायण यादव, कार्यपालिका सदस्य श्रीकुमारी चौधरी, डा. ललन चौधरी, पत्रकार महासंघका प्रदेश परिषद सदस्य बृजमान तामाङ, मावि सितापुर भुर्कीका अध्यक्ष कुशेश्वर प्रसाद चौधरी, पुर्व प्रधानाध्यापक महावीर प्रसाद चौधरी,स्थानीय युवा सुरेश चौधरी, अशोक चौधरी, रमाकान्त चौधरीलगायतका स्थानीय बुद्धिजीवीहरुको उपस्थिति रहेको थियो ।
प्रतियोगितामा कंकालिनी युवा क्लब सितापुर नयाँ टोल, सन्यासी युवा क्लब पोखरिया, मुसहरनिया सामुहिक युवा क्लब खडक नगरपालिका ८, , प्रशवनी युवा क्लब प्रशवनी, शम्भुनाथ एफसी , जण्डोल फुटबल टिम जण्डोल, महुली ११ एफसी, र अग्नीसाइर फुटबल टिम भुर्की गरि ८ वटा टिम सहभागी थिए ।
