न्यूज टुडे
राजविराज, २९ कार्तिक ।
कंकालिनी युवा क्लब सितापुर कंकालिनी युवा क्लबद्वारा सप्तरीको अग्नीसाईर कृष्णासवरन गाउँपालिका २ सितापुर नयाँटोलमा संचालित दोश्रो पच्चशिल्ड फुटबल प्रतियोगिताको फाइनलमा प्रवेश गरेको छ । नयाँ टोल स्थित खेल मैदानमा बुधबार सम्पन्न पहिलो सेमिफाइनल खेलमा मुसहर्निया सामुहिक युवा क्लब खडक नगरपालिका ८लाई ०-२ गोलले पराजित गर्दै आयोजक सितापुर फाइनल प्रवेश गरेको हो ।
दुबै टिम विच कडा प्रतिस्पर्धा भएको खेलमा पहिलो हापमा कुनै पनि टिमले गोल गर्न सकेनन् ।
निर्धारित ६० मिनेटको खेलमा विजेता टिमका जर्सि नम्बर ६ का सौरभ तामाङको पासलाई उपयोग गर्दै जर्सी नम्बर १५ का राजु तामाङले खेलको दोश्रो हापको ११ औं मिनेटमा गोल गर्दै टिमलाई अग्रता दिलाए । यसैगरी विजेता टिमकै तर्फबाट जर्सी नम्बर ६ कै सौरभ तामाङले दिएको पासलाई जर्सी नम्बर ११ का इशान्त चौधरीले दोश्रो हापको २२ औं मिनेटमा गोल गरेपछि जित सुनिश्चित भएको थियो ।
दुबै टिम विच कडा प्रतिस्पर्धा भएको खेलमा मुसहरनियाले गोल गर्न नसकेपछि सितापुरले ०-२ गोलले जित हाँसिल गरेको आयोजक समितिका अध्यक्ष उमेश कुमार चौधरीले जानकारी दिए ।
प्रतियोगितामा कंकालिनी युवा क्लब सितापुर नयाँ टोल, सन्यासी युवा क्लब पोखरिया, मुसहरनिया सामुहिक युवा क्लब खडक नगरपालिका ८, , प्रशवनी युवा क्लब प्रशवनी, शम्भुनाथ एफसी , जण्डोल फुटबल टिम जण्डोल, महुली ११ एफसी, र अग्नीसाइर फुटबल टिम भुर्की गरि ८ वटा टिमको सहभागीता रहेको आयोजक समितिका अध्यक्ष चौधरीले जानकारी दिए ।
भोलि बिहिवार दोश्रो सेमिफाइनल खेल महुली ११ एफसी र शम्भुनाथ एफसी विच प्रतिस्पर्धा हुने उनले बताए । प्रतियोगितामा प्रथम र दोश्रो हुने टिमलाई नगद, शिल्ड, कप, मेडल प्रमाण-पत्रद्वारा सम्मान गरिने आयोजकले जनाएको छ ।