न्यूज टुडे
राजविराज, २१ कार्तिक ।
जनता समाजवादी पार्टी नेपाल सप्तरीले कार्तिक २२ गते पार्टीको कुनैपनि भेला नभएको जनाएको छ । अध्यक्ष केदार प्रसाद यादवले एक सूचना जारी गर्दै उक्त जानकारी गराएको हो । 
केही व्यक्तिले सामाजिक संजालमा कार्तिक २२ गते जिल्ला समन्वय समिति सप्तरीमा जसपाको अगुवा कार्यकर्ता भेला भनी भ्रमपुर्ण सूचना जारी गरेकोले सूचनामा भनिएजस्तो पार्टीले कुनै भेला आयोजना नगरेको जसपा सप्तरीद्वारा जारी सूचनामा उल्लेख छ ।
अध्यक्ष यादवद्वारा हस्ताक्षारित सूचनामा जसपाको कुनैपनी भेला नभएकोले उक्त भेलामा सहभागी नहुन र कसैलाई सहभागी नगराउन सम्पुर्ण नेताकार्यकर्तालाई आग्रह समेत गरेको छ ।
सामाजिक संजालमा केही जसपाकै कार्यकर्ताहरुले जिल्ला समन्वय समितिमा कार्तिक २२ गते अगुवा नेताकार्यकर्ता भेला आयोजना गरिएको भनि सूचना जारी गरेका थिए ।