रामनाथ यादव
राजविराज, २० कार्तिक ।
सप्तरीकाे बोदेबर्साईन नगरपालिका स्वास्थ्य शाखा सह- संयोजक बैजनाथ साह पक्राउ परेको छ । उनलाई प्रहरीले साेमबार नियन्त्रणमा लिएको हो ।
उक्त नगरपालिकाका स्वास्थ्य संयाेजक राजनारायण ठाकुरकाे माेटरसाइकलमा सह-संयाेजक साहले लागुअैाषध राखेर फसाउने षडयन्त्र गरेकाे आराेपमा साहलाई पक्राउ गरिएकाे सप्तरीका प्रहरी प्रबक्ता प्रहरी नायव उपरीक्षक ढुण्डिराज नेउपानेले बताए ।
वाेदेवर्साइन ५ घर भएका सह-संयाेजक साहले ठाकुरकाे लु५५प ५४३९ नम्बरको माेटरसाइकलमा नाइट्राभेट २७ ट्याब्लेट र स्पासमो १५ ट्याब्लेट लागुअैाषध राखेकाे प्रहरीकाे प्रारम्भिक अनुसन्धानबाट खुलेकाे नेउपानेले बताए । साेही आराेपमा बोदे बर्साईन नगरपालिका ५ जाँजरका मो. नजामुद्विन इराकीलाई समेत नियन्त्रणमा लिएर अनुसन्धान भइरहेकाे उनले जानकारी दिए ।