विष्णुपुर ६ नम्बर वडा कार्यालयमा तालाबन्दी कायमै 

सप्तरीको विष्णुपुर गाउँपालिका ६ नम्बर वडा कार्यालयमा स्थानीयद्वारा लगाइएको ताला शुक्रबार पनि कायमै रहेको छ । आयव्यय सार्वजनिकलगायतका ४ सुत्रीय माग राखी गत मंगलबारदेखि गरिएको तालाबन्दी चौथो दिनसम्म पनि कायमै रहेको हो ।

वडा अध्यक्ष प्रमानन्द यादवलाई ज्ञापनपत्रसहित पटकपटक माग सम्बोधनका लागि आग्रह गर्दा समेत सुनुवाइ नभएपछि तालाबन्दीसहित कार्यालय अगाडि धर्ना बस्न बाध्य भएको संघर्ष समितिका अध्यक्ष राजेश कुमार राय ( राहुल) ले बताए ।