महुली ११ स्पोर्ट्स क्लबद्वारा संचालित ४२ औं जनचेतना रनिङ शिल्ड फुटबल प्रतियोगिताको उपाधि त्रियुगा नगरपालिका उदयपुरले हात पारेको छ । सप्तरीको अग्नीसाईर कृष्णासवरन गाउँपालिका १ स्थित जनचेतना माध्यमिक विद्यालय घोघिदहको खेलमैदानमा मंगलबार आयोजित फाइनल खेलमा भरतपुर युथ क्लब धनुषालाई २- ४ गोलले पराजित गर्दै उदयपुरले उपाधिमाथि कब्जा जमाएको हो ।
यसैगरी खेलको १८ औं मिनेटमा उपविजेता धनुषाका जर्सी नम्बर १० का राकेश यादवले गोल फर्काउन सफल भएपछि खेल बराबर भएका थिए । त्यसको लगतै उदयपुरका जर्सी नम्बर ७ का सुदिप श्रेष्ठले पलान्टीको मौकालाई गोलमा परिणत गर्दै आफ्नो अग्रता कायम राखे । पहिलो हापकै २६ मिनेटमा उदयपुरका दिवस श्रेष्ठले गोल थप्दै टिमलाई १ – ३ गोलको अग्रता कायम गरे ।
प्रतियोगितामा विजेता टिमलाई कार्यक्रमका प्रमुख अतिथि मधेश प्रदेशका गृह, संचार तथा कानुन मन्त्री मो. समिमले नगद ५५ हजार राशीको पुरस्कार सहित शिल्ड, मेडल प्रमाणपत्र प्रदान गरे । यसैगरी गाउँपालिका अध्यक्ष दिनानाथ चौधरीले उपविजेता टिमलाई नगद ३५ हजार राशीको पुरस्कार सहित कप, मेडल, प्रमाणपत्र प्रदान गरे ।
आयोजक समितीका अध्यक्ष दिलिप कुमार चौधरीको अध्यक्षतामा आयोजित समापन कार्यक्रममा फुटबल प्रतियोगितामा योगदान गर्ने पुर्व अध्यक्षहरु निर्णायकलगायतका दर्जनौं व्यक्तिलाई सम्मान-पत्र र प्रशंसापत्रद्वारा सम्मान गरिएको थियो भने प्रमुख अतिथि मन्त्री समिम र गाउँपालिका अध्यक्ष चौधरीलाई मायाको चिनो प्रदान गरिएको थियो ।
