न्यूज टुडे
राजविराज, १९ जेठ ।
सप्तरीको छिन्नमस्ता गाउँपालिकाका अध्यक्ष बिद्यानन्द चौधरीले दैवी प्रकोप तथा त्यस पश्चात उत्पन्न हुने बिपदको असहज परस्थिती सिर्जना हुन नदिन प्रभावकारी तयारी गर्नुपर्नेमा जोड दिएका छन् ।
राजबिराज स्थित होटल बालजीको सभा हलमा संचालित २ दिने आपतकालिन योजना तर्जुमा गोष्ठी कार्यक्रमको शुक्रवार समापन समारोहलाई सम्बोधन गर्दै उनले यस्तो बताएका हुन । कार्यक्रममा बोल्दै अध्यक्ष चौधरीले विपदको जोखिम न्यूनीकरण गर्न कार्यक्रम फलदायी हुने विश्वास व्यक्त गरे । उनले दैवि प्रकोप तथा त्यसबाट हुने विपदको असहज परिस्थिति सिर्जना हुन नदिन व्यवस्थापन र तयारी प्रभावकारी हुनुपर्नेमा जोड दिए । अध्यक्ष चौधरीले विपदबाट क्षति हुन नदिने कार्यमा जुट्न सहभागीहरुलाई आग्रह गरे । छिन्नमस्ता गाउँपालिकाको आयोजना तथा बिश्व खाद्य कार्यक्रम (डब्लुएफपि) र अष्ट्रेलियन एडको संयुक्त आयोजनामा संचालित गोष्ठीमा प्रमुख प्रशिक्षक डबुलुएफपिका कृष्ण माझी र मुरारी शुक्लाले विपद जोखिम पुर्वानुमानमा आधारित अग्रिम कार्य सहित बन्दोबस्ती क्षमता लेखाजोखा बारे बिभिन्न बिषयमाथी प्रकाश पारे ।
उनीहरुले विपद जोखिम न्यूनीकरणका लागि हुने अग्रिम तयारी प्रभावकारी कार्यान्वयन सरोकारवालाहरुलाई आग्रह गरे । अध्यक्ष चौधरीको अध्यक्षतामा आयोजित कार्यक्रममा उपाध्यक्ष राजो देवी यादवलगायतका वडा अध्यक्षहरु पालिक र वडा स्तरीय बिपद व्यवस्थापन समितिका सदस्यहरु, सुरक्षा निकायका प्रतिनिधिहरुको सहभागिता रहेको थियो । गाउँपालिकाको बिपद सम्पर्क व्यक्ति संतोष कुमार रायद्वारा संचालित कार्यक्रमको सहजीकरण ड्ब्लुएफसीका अश्विनी यादवले गरे ।