न्युज टुडे
राजविराज, १५ बैशाख ।
सप्तरीको अग्निसाईर कृष्णसवरन गाउँपालिका २ स्थित रहेको सुदनवती फुलमन्ती देविलाल जनता माध्यमिक विद्यालयका छात्रछात्राहरुलाई छात्रवृत्ति वितरण गरिएको छ ।
विद्यालयद्वारा शुक्रबार आयोजित एक कार्यक्रमका विच ३ सय १६ जना छात्रछात्राहरुलाई छात्रवृत्ति प्रदान गरिएको हो । कार्यक्रममा अग्निसाईर कृष्णासवरन गाउँपालिका वडा नम्बर २ का अध्यक्ष पशुपति प्रसाद चौधरी, विद्यालय व्यवस्थापन समितीका अध्यक्ष कुशेश्वर प्रसाद चौधरी, पत्रकार बृजमान तामाङ, शिक्षक अभिभावक संघका अध्यक्ष सीता देवि विश्वकर्मा, प्रधानाध्यापक दुर्गानन्द चौधरी, विद्यालय व्यवस्थापन समितिका सदस्य बवितादेवी राम, दिलिपदेवी खंग, शिक्षक अभिभावक संघका सदस्य चन्देश्वर यादव, दुर्गानन्द साह लगायतकाले छात्रवृत्ति वितरण गरे ।
१ देखि ८ कक्षासम्मका सम्पुर्ण छात्रा तथा १ देखि कक्षा ८ सम्मका दलित छात्रछात्रा गरि ३ सय १६ जनालाई छात्रवृत्ति वितरण गरिएको विद्यालयका लेखापाल आशिष कुमार चौधरीले जानकारी दिए । उनले प्रति विद्यार्थी ४ सयको दरले १ लाख २६ हजार ४ सय रुपैयाँ छात्रवृत्ति वितरण गरेको बताए ।