न्यूज टुडे
राजविराज, १६ फागुन ।
सप्तरीमा भब्यताको साथ अन्तर्राष्ट्रिय नारी दिवस मनाउने तयारी गरिएको छ । राजविराज स्थित शिवमन्दिर प्राङ्गणमा सोमबार बसेको मानव अधिकार रक्षक सप्तरीको बैठकले आगामी फागुन २४ गते ११२औं अन्तर्राष्ट्रिय नारी दिवस मनाउने निर्णय गरेको हो ।
सप्तरीमा सक्रिय महिलाहरुको संगठनहरुको भेलाले पत्रकार महासंघ सप्तरीका पूर्व उपाध्यक्ष समेत रहेकी सुधा देवको संयोजकत्वमा १५ सदस्य तयारी समिति समेत गठन गरेको छ । उक्त बैठले संयोजक देव, सुस्मा गुप्ता, ललिता कर्ण, प्रिया सिंह थारु र हित नारायणलाल दास रहेको ५ सदस्यीय सचिवालय समेत गठन गरेको जनाएको छ ।