बृजमान तामाङ्ग
बिरेन्द्र बजार, ५ पुस ।
सप्तरीको अग्निसाईर कृष्णासवरन गाउँपालिका वडा नम्बर ३ स्थित एक कुखुरा फार्ममा शनिबार राती आगलागी हँुदा तीन लाख, पचास हजार भन्दा बढीको क्षति भएको छ ।
स्थानीय महम्मद ईसरिलको फार्ममा आगलागी हँुदा कुखुरासहित बिभिन्न सामानहरु जलेर नष्ट भएको हो ।
राती करिव १ बजेतिर भएको आगलागीमा परि, कुखुरा ३ सय ५० वटा, दाना २० बोरा, हिटर २ थान, एउटा घर, भाँडाकुँडा, फर्निचर लगायतका सामान पुर्ण रुपले जलेर नष्ट भएको पीडितले बताएका छन् । आगलागीमा ३ लाख, पचास हजार भन्दा माथीको धनमाल जलेर खरानी भएको पीडितले जनाएको छ ।
राती साढे १२ बजेसम्म फार्म भित्र थिए, पीडित ईसरिलले भने, फार्मबाट स्टोर रुममा गएर के सुतेको थिए एकाएक आगलागी भएको थाहा भयो । आगो लागेको सवा एक बजे तिर थाहा पाएको जानकारी दिदै ईसरिलले एकै छिनको अन्तारालमा आगलागी हुँदा छक्क परेको बताए ।
आगो स्थानीयबासीको सहयोगमा नियन्त्रणमा लिएको उनले बताए । एक्लै फार्ममा सुतेको समय कसरी आगो लागे भन्दै पीडितले आश्चर्य व्यक्त गरे । फर्ममा कसरी आगलागी भएको बारे अनुसान्धन भईरहेको प्रहरी चौकी पकरीले जनाएको छ । प्रहरीले विद्युत सर्ट भइ आगलागी हुन सक्ने आशंका गरेका छन् ।