Top_Header_Right_Add

सप्तरी प्रशासनद्वारा शक्तिपिठ र मन्दिर क्षेत्रमा निषेधाज्ञा घोषणा

सप्तरी प्रशासनद्वारा शक्तिपिठ र मन्दिर क्षेत्रमा निषेधाज्ञा घोषणा

राजविराज, ३० आसोज। जिल्ला प्रशासन कार्यालय सप्तरीले जिल्लाका सम्पुर्ण शक्तिपिठ र मन्दिर क्षेत्रलाई निषेधित क्षेत्र घोषणा गरेको छ।

स्थानीय प्रशासन ऐन, २०२८ को दफा ६ (३) र संक्रामक रोग ऐन २०२० ले दिएको अधिकार प्रयोग गरी जिल्ला सुरक्षा समितिको मिति २०७७ असोज ३० गतेको वैठकको निर्णय अनुसार ति क्षेत्रमा निषेधाज्ञा जारी गरिएको हो ।

निषेधाज्ञा, असोज ३० गते राती ११ वजेदेखि हाललाई मंसिर ७ गते राती साढे ११ वजेसम्मका लागि कायम गरिएको छ ।

जिल्ला प्रशासन कार्यालय सप्तरीका सुचना अधिकारी आनन्द ठाकुरले जारी गरेको निषेधाज्ञामा भनिएको छ–‘निषेधाको अवधिमा उल्लेखित स्थानहरुमा मन्दिरका तर्फवाट गरिने नित्य पुजापाठ वाहेकका अन्य सम्पुर्ण कार्य/गतिविधि हुन/गर्न निषेध गरिएको ब्यहोरा समेत सवैमा जानकारी गराउँदै कोभिड १९ संक्रमणलाई दृष्टिगत गरी भीडभाड नगरी, सुरक्षित साथ आ–आफनै घरमा आफनो परम्परा अनुसार आगामी चाडपर्वहरु मनाउन सम्पुर्ण जिल्लावासीमा अनुरोध छ।’

Classified Saptari Buy and Sell in Saptari

About The Author

News Portal Web design in Saptari Offer