राजविराज, २० असोज। भएकोसिके राउत नेतृत्वको जनमत पार्टी सप्तरीले आफना कार्यकर्तामाथि आक्रमण भएको भन्दै सिडिओलाई ज्ञापन पत्र वुझाएको छ ।
पार्टीका जिल्ला इन्चार्ज सुर्यदेव यादवले वुझाएको ज्ञापन पत्रमा कहि दिन अघि राजगढ गाउँपालिका ४ निवासी विद्यार्थी जनमत संघका जिल्ला संयोजक संतोष साह मधेशी माथी जनप्रतिनिधिले नै आक्रमण गरेको उल्लेख छ । सोहि गाउँपालिका– ६ का वडा अध्यक्ष कमलदेव यादवको समुहले साहको घरमा गएर गुण्डा गर्दीको शैलीमा त्रास फैलाएको र सांघातिक आक्रमण समेत गरेको जनाईएको छ ।
साह सहित सप्तरी भरी नै जनमत पार्टीका नेता, कार्यकर्ता तथा सुभेच्छुकहरु माथि आक्रमण भईरहेकाले त्यस्ता ब्यक्तिलाई वेलैमा कानुनी कारवाही गर्न माग गरिएको छ । अन्यथा जनमत पार्टी चुप लागेर नवस्ने चेतावनी समेत दिईएको छ ।