राजविराज, १८ असोज। जनता समाजवादी पार्टीका अध्यक्ष उपेन्द्र यादवले कम्युनिष्टलाई कलंकको संज्ञा दिएका छन् ।
सप्तरी सदरमुकाम राजविराजमा आईतवार आयोजित पार्टी प्रवेश कार्यक्रमलाई सम्वोधन गर्दै उनले यस्तो आरोप लगाएका हुन् ।
ओली नेतृत्वको सरकार पञ्चायत र राणाकालीन शासन व्यवस्था जस्तै एउटै भाषा, एउटै भेषको नीतिमा अघि बढेको यादवलको आरोप छ । उनले भने–‘यो संघीयता समाप्त पार्ने सडयन्त्र हो ।’
विभन्नि आन्दोलनमा युवाहरुले गरेको त्याग र बलिदानबाट शासन व्यवस्था परिवर्तन भएको स्मरण गराउँदै उनले भने–‘युवाहरुका लागि नत शिक्षा छ, न रोजगार।’ शिक्षित युवाहरुले स्वदेशमा रोजगारी नपाएर विदेशिनु दुर्भाग्यपूर्ण भएको यादवले वताए ।
एसियाली देशहरु मध्ये सवैभन्दा अव्यवहारिक एवम् अवैज्ञानिक शिक्षा नेपालमै रहेको उनले वताए । ‘शिक्षा प्रणालीमा व्यापक सुधारको खाँचो छ’– उनले भने।
युवा संघ प्रदेश २ का अध्यक्ष आतेशकुमार सिंहको अध्यक्षतामा आयोजित कार्यक्रममा कार्यक्रममा प्रदेश २ का भुमि व्यवस्था, कृषि तथा सहकारी मन्त्री शैलेन्द्र प्रसाद साह, राज्यमन्त्री योगेन्द्र राय यादव, राष्ट्रिय सभा सदस्यद्वय मृगेन्द्रकुमार सिंह यादव र शेखरकुमार सिंहलगायतले वोलेका थिए ।
कार्यक्रममा करिव तीन सय युवा समाजवादी युवा फोरममा प्रवेश गरेका छन् ।