राजविराज, १० फागुन ।नेपाली काँग्रेस सप्तरीको महाधिवेशन राजविराजस्थित केशो अनिरुद्धवति माध्यमिक विद्यालयमा आइतवार सम्पन्न हुन लागेको छ ।
जिल्ला कार्य समितिको पदाधिकारी चयन मतदान प्रक्रियाबाट हुने भएको हो । वर्तमान सभापति दिनेश कुमार यादव दोश्रो कार्यकालका लागि पुनः सभापतिमा उम्मेदबारी दिएका छन् । उनकै प्यानलबाट सचिवमा राधाकान्त देव र कोषाध्यक्षमा दिनेश चौधरीको उम्मेदवारी परेको छ ।
यसैगरी सभापति पदमा रामदेव साह समेत प्रतिष्पर्धामा उत्रेका छन् । उनको प्यानलबाट सचिवमा रामकुमार यादव र कोषाध्यक्षमा शिव नारायण चौधरी प्रतिष्पर्धामा परेका छन् । नेपाली काँग्रेस सप्तरीको ३३ सदस्यीय कार्य समितिका लागि हुन लागेको निर्वाचनमा ६४ जनाको उम्मेदबारी परेको छ । महासमिति सदस्यकालागि ४० जनाले उम्मेदबारी दिएका छन् । कार्यसमिति चयन गर्नकालागि निर्वाचनमा प्रक्रिया १ हजार ६८ जनाले मतदान गर्न पाउनेछन् ।