Top_Header_Right_Add

बडा दशैंको दोस्रो दिनः ब्रह्मचारिणी देवीको पूजा

बडा दशैंको दोस्रो दिनः ब्रह्मचारिणी देवीको पूजा

राजविराज, २७ असोज । बडा दशैंको दोस्रो दिन आज देशैभरीका देवी मन्दिर तथा घरघरमा ब्रह्मचारिणी देवीको पूजा–पाठ गरिंदैछ ।
आश्विन शुक्लद्वितीया तिथिमा जिल्लाको छिन्नमस्ता शक्तिपीठ, कंकालिनी भगवतीलगायतका देवी मन्दिरहरुमा भगवती ब्रहमचारिणीको पूजा–आजा भइरहेको छ । यस्तै विभिन्न स्थानहरुमा माटाको कलात्मक मूर्ती बनाएर पूजा–आजा भइरहेको हाम्रा सम्वाददाताहरुले जनाएका छन् ।
ब्रह्मचारिणी देवीलाई ब्रहम् विद्या शक्तिकी माताको रुपमा पूजाआजा गर्ने गरिन्छ । ब्रहमचारिणी देवीको आराधनाले व्यक्तिलाई ब्रहम अनुसार आचरण गर्ने शक्ति प्राप्त भई ब्रह्मचर्य जस्तो परम पदमा पुग्न सकिने शास्त्रहरुमा उल्लेख गरिएको छ । व्यक्तिलाई ज्ञानमा आकर्षित गरी मानव चोला सार्थक बनाउन साधकलाई ब्रहमचारिणी देवीको अनुकम्पा आवश्यक हुने धार्मिक गन्थमा लेखिएको छ ।
ब्रहमचारिणी माता पार्वतीको विवाहपूर्वको अवस्थाको रुपमा चर्चा गरिएको छ । माता पार्वतीको यो रुपलाई ब्रहमचारिणी, तपस्वी तथा योगिनी पनि भनिएको छ । शास्त्रहरुमा उल्लेख भए अनुसार उनको वदनवर्ण कलेजी रङ्गको रहेको छ । ब्रहमचारिणी देवीले एक हातमा कमल धारण गरेकी छन् भने दोस्रो हातमा कमण्डलु लिएकी छन् । कमलले सच्चिदानन्द ब्रहमस्वरुप संकेत गर्दछ भने कमण्डलुले वरदान र आशिर्वादको  अर्थ संकेत गरेको छ ।

Classified Saptari Buy and Sell in Saptari

About The Author

लेखक यादव पत्रकारिताका साथै भाषा, साहित्य, कला, संस्कृति, पर्यटन, ऐतिहासिक एवम् पुरातात्विक क्षेत्रमा कलम चलाउँछन् (सं) ।

News Portal Web design in Saptari Offer