रामनाथ यादव
राजविराज , २२ जेठ
सप्तरीको तिलाठी काेइलाडी गाउँपालिका ७ स्थित लक्ष्मी,वलल्भ , नर्सिङ माध्यमिक विद्यालय वभनगामाकट्टीसहितका विभिन्न विद्यालयमा शुक्रबार बृक्षरोपण गरिएको छ । विश्व वातावरण दिवसको अवसरमा विभिन्न विद्यालय प्राङ्गणमा बृक्षरोपण गरिएको हो ।
स्थानीय लिलम कुमारी रजकको सहयोगमा मावि वभनगामाकट्टी र राष्ट्रिय हरिहर हरिनारायण प्राथमिक विद्यालय सडेपारमा वृक्षाराेपण गरिएको छ ।
विद्यालय व्यवस्थापन समितिका महिला सदस्य रजकले पर्यावरण जाेगाउन तथा साैन्दर्यका लागि विद्यालयमा आँपका बिरुवा र फलफूलका विरुवा राेपेका बताइन् ।
विद्यालयमा पर्यावरण जाेगाउनका व्यवस्थापन समितिका सदस्य रजकले आफू व्यक्तिगत विद्यालयमा विभिन्न प्रजातिका विरुवाहरु र फलफूलहरु सहयाेग गरेको बताइन् । आँप २ ओटा अमरपाली २, लिलम २, मालदह २, कलकतिया २, कठहर १, लिची १, कागती नेम्वाे १ र फूलकाे विरुवा २ गरि जम्मा १५ वटा बिरुवाहरु मावि वभनगामाकट्टीमा राेपेका छन् । भने त्यस्तै राष्ट्रिय प्राथमिक विद्यालय सडेपारमा विभिन्न प्रजातिका बिरुवा तथा फलफूल राेपेर सहयाेग गरेको बताइन्
उक्त बृक्षरोपाण कार्यक्रममा मावि वभनगामाकट्टीका प्रधानाध्यापक विपिन झा,लेखापाल नित्यानन्द प्रसाद सिंह , शिक्षक ,कर्मचारी ,अभिभावक लगायतकाे सहभागीता रहेको थियो । राष्ट्रिय प्राथमिक विद्यालय सडेपारका प्रधानाध्यापक अरुण कुमार यादव,वडा सदस्य रामनारायण साह,शिक्षक,कर्मचारी ,अभिभावक , विद्यार्थी लगायतकाे उपस्थितिमा वृक्षारोपण गरेको व्यवस्थापन समितिका सदस्य रजकले जानकारी दिइन् ।
प्रधानाध्यापक अरुण यादवले विद्यालयकाे खाली रहेको जग्गामा बिरुवा तथा फलफूलका बिरुवा राेपेकाे जानकारी दिए । वृक्षारोपणले विद्यालयको सुन्दरता बढ्नुका साथै वातावरण समेत सफा स्वच्छ हुने आफुले विश्वास लिएको महिला सदस्य रजकले बताइन ।
वृक्षारोपणले सिङ्गो विश्व वातावरण प्रदूषणको समस्याले मानिसको गुणात्मक तथा परिमाणात्मक स्वरूपले प्रभाव पारिरहेको एक अभिभावकले बताए। विद्यालयमा विरुवा फलफूलकाे संरक्षणकाे जिम्मा कार्यालय सहयाेगी राजदेव मंडल र भूषन सिंहलाई दिएको प्रधानाध्यापक यादवले बताए।
