रामनाथ यादव
राजविराज , २८ मंसिर
सप्तरीको तिलाठी काेइलाडी गाउँपालिकाकाे तीन वटा वडा एकै दिन बालविवाह मुक्त वडा घोषणा भएको छ ।
सरोकारवाला,निकाय, बालबालिकाको उपस्थितिमा एक कार्यक्रमका बीच साेमबार वडा नम्बर ६ , ७ र ८ वटा वडालाई बालविवाह मुक्त घोषणा गरिएको हो ।
तिलाठी काेइलाडी गाउँपालिका अध्यक्ष अरुण कुमार मण्डलले एक समारोहका वीच बालविवाह मुक्त क्षेत्र उल्लेख तुल व्यानर पढेर बालविवाह मुक्त वडा घोषणा गरे । कार्यक्रममा बोल्दै गाउँपालिका अध्यक्ष मण्डलले छिटै बाँकी वडालाई बालविवाह मुक्त घाेषणा गर्ने उद्घोष गरे ।
स्थानीय सरकारले २० वर्ष उमेर नपुगी विवाह गर्न नदिने गरी उक्त वडाहरुलाई बालविवाह मुक्त घोषणा गरिएको ६ नम्बर वडा सचिव जगदीश यादवले बताए ।
अब पालिका ८ वटा वडामध्ये१,२,३,४ र ५ वडालाई छिट्टै बालविवाह मुक्त वडा घोषणाको तयारीमा जुटेको गाउँपालिका अध्यक्ष मण्डलले बताए ।
वडा नम्बर ७ का अध्यक्ष हरि नारायण मण्डलले उमेर नपुगेकाे विवाह गर्ने विरुद्ध कडा कदम चालने वताए ।
वडा नम्बर ७ का अध्यक्ष हरि नारायण मण्डल र ८ का वडा अध्यक्ष सत्यनारायण यादवकाे अध्यक्षता तथा गाउँपालिका अध्यक्ष मण्डलको प्रमुख आतिथ्यमा आयोजित कार्यक्रममा सेभ द चिल्ड्रेनका मकर सार्की,सेभ द सप्तरीका अध्यक्ष ध्रुव देव ,पंजिकरण शाखा संयाेजक शैलेन्द्र कुमार सिंह,स्वास्थ्य चाैकीका प्रमुख सुरेन्द्र कुमार साह,मावि वभनगामाकट्टीका प्रधानाध्यापक विपिन झा, आधारभूत विद्यालय मंसापुरका प्रधानाध्यापक जितेन्द्र मंडलले शुभकामना मन्तव्य व्यक्त गरे ।
कार्यक्रममा ६ का वडा सदस्य रामविलास मण्डल,सफिद मंसुरी,राम नारायण साह , सेभ द सप्तरीका सदस्य भुवनेश्वर मुखिया लगायत स्थानीय युवा,राजनीति दल, वुद्विजिवी, समाजसेवी ,कर्मचारीहरुकाे उपस्थित रहेकाे थियाे ।
रिमा चौधरीद्वारा संचालित कार्यक्रममा स्वागत तिलाठी कोइलाडी गाउँपालिका ७ का वडा सचिब ब्रह्मदेव रजकले गरे। उक्त अवसरमा बालविवाह मुक्त वडा घोषणाको अतुलनीय योगदान गरेको भन्दै दर्जनौ व्यक्तित्वलाई कदर पत्र तथा प्रशंसा पत्र टीका गम्छा ओढाएर सम्मान गरिएको थियो ।
