न्यूज टुडे
राजविराज,२६ मंसिर ।
मानव अधिकारको क्षेत्रमा क्रियाशील ३ जना सम्मानित भएका छन् । मानव अधिकारकर्मी तथा वरिष्ठ पत्रकार वैद्यनाथ झा, मानव अधिकारकर्मी मनोहर पोखरेल र एकल महिला मानव अधिकारकर्मी विमला पराजुली सम्मानित भएका हुन् ।
महिला मानव अधिकार संजाल मधेस प्रदेशद्वारा राजविराजमा शुक्रबार आयोजित मधेस प्रदेश स्तरीय सम्वाद कार्यक्रममा उनीहरुलाई सम्मान गरिएको हो।
महिला मानव अधिकार संजाल मधेस प्रदेशकी अध्यक्ष अनिता देवकोटाको अध्यक्षतामा आयोजित कार्यक्रममा प्रमुख अतिथि सप्तरी जिल्ला अदालत राजविराजका न्यायाधीश किशोर घिमिरेले सम्मान पत्र प्रदान गर्दै दोसल्ला ओढाएर उनीहरुलाई सम्मान गरे ।
आ-आफ्नो क्षेत्रबाट मानव अधिकार रक्षाका लागि अतुलनीय योगदान दिनुभएकोमा वहाहरुको उच्च मुल्यांकन गरि सम्मान गरिएको आयोजकले जनाएको छ ।
