नर्मदेव यादव
रुपनी,२१ मंसिर।
इलाका प्रहरी कार्यलय रुपनीका नवागंतुक प्रमुख प्रहरी नायब निरीक्षक गंगाराम चौधरीसंग स्थानीय जनप्रतिनिधि तथा समाजसेवीहरुले भेटघाट गरेका छन् । इलाका प्रहरी कार्यालय रुपनीद्वारा कार्यालय हाताभित्र आइतबार आयोजित एक समारोहका वीच भेटघाट तथा परिचयात्मक कार्यक्रम आयोजना गरिएको हो ।
रुपनी गाउँ पालिकाका अध्यक्ष दिनेश कुमार यादवको अध्यक्षतामा आयोजित कार्यक्रममा इलाका स्तरीय समुदाय प्रहरी साझेदारी समिति समेत गठन गरिएको थियो
।
नवागंतुक प्रहरी प्रमुख चौधरीले नागरिकको शान्ति सुरक्षाका लागि सबैसँग सहकार्य गर्ने प्रतिबद्धता व्यक्त गरे । उनले सबैको साथ लिएर लागूऔषध, अबैध मदिरा नियन्त्रण तथा ट्राफिक व्यवस्थापन जस्ता नागरिक सुरक्षाको कार्यमा अगाडि बढ्ने बताए ।
गाउँपालिका अध्यक्ष यादवको अध्यक्षतामा आयोजित कार्यक्रममा रुपनी गाउँपालिकाका पुर्व अध्यक्ष हरेराम यादव, वडा नम्बर १ वडा अध्यक्ष पिताम्बर यादव, नेपाल पत्रकार महासंघ सप्तरीका कार्य समिति सदस्य नर्मदेव यादव लगायतले गाउँपालिकामा शान्ति सुरक्षाको अवस्था तथा आगामी योजना बारे सुझाव दिएका दिए ।
कार्यक्रममा रुपनी गाउँपालिकाका वडा नम्बर १,२,५ र ,६ तथा शम्भुनाथ नगरपालिकाका वडा नम्बर १,२,३ र ४ गरि आठवटा वडाका जनप्रतिनिधि, राजनीतिक दलका प्रतिनिधि, शिक्षक, कर्मचारी, विभिन्न संघसंस्थाका पदाधिकारी, स्थानीय बुद्धिजीवी समाजसेवीहरुको उपस्थिति थियो ।
उक्त अवसरमा रुपनी गाउँपालिका अध्यक्ष दिनेश कुमार यादवको संयोजकत्वमा १९ सदस्यीय इलाका स्तरीय समुदाय प्रहरी साझेदारी समिति गठन गरिएको थियो ।