हरे कृष्ण साह
राजविराज, २१ मंसिर।
नेपालको इन्जिनियरिङ्ग जनशक्तिमा झण्डै पचास प्रतिशत सिभिल इन्जिनियर आकर्षण देखिएको छ ।नेपाल इन्जिनियरिङ्ग परिषद्ले २०८२ साल कार्त्तिक महिनामा लिएको इन्जिनियरिङ्ग लाइसेन्सको परिक्षामा सिभिल इन्जिनियरको संख्यामा वृद्धि भएको हो ।
साधारण दर्तावाला इन्जिनियिरङ्ग व्यवसायी नाम दर्ता परीक्षामा कुल आवेदकको झण्डै पचास प्रतिशत सिभिल इन्जिनियरको सहभागिता रहेको तथ्यांकमा उल्लेख छ ।
कूल ५ हजार ४ सय ९८ आवेदक मध्ये २७३२ जना सिभिल इन्जिनियरिङ्ग समूहबाट रहेका छन् । सबै समूहबाट कूल जम्मा आवेदक मध्ये ३ हजार २ सय ५० जना उत्तीर्ण भएका थिए । सिभिल इन्जियिरिङ्गबाट मात्रै १ हजार ६ सय १५ जना उत्तीर्ण भएका थिए ।
यसले नेपालमा सिभिल इन्जिनियर जनशक्ति उत्पादन झण्डै पचास प्रतिशतको आँकडा देखाउँछ । बाँकी आवेदक कम्प्युटर, आर्किटेक्चर, मेकानिकल, इलेक्ट्रिकल, इलेक्ट्रोनिक्स लगायत जम्मा २४ इन्जिनिरिङ्ग समूहबाट रहेका थिए ।
कम्प्युटर इन्जिनियरिङ्गबाट १ हजार ४३ आवेदक मध्ये ४ सय ९३ जना लाइसेन्स परीक्षा उत्तीर्ण भएका थिए ।आर्किटेक्चर इन्जिनियरिङ्गबाट २ सय ७४ जना आवेदकमा २ सय ६३ जना उत्तीण भएका थिए ।
मेकानिकल इन्जिनियरिङ्गबाट २ सय ६९ जना आवेदक मध्ये २ सय १४ जना उत्तीर्ण भएका थिए ।
यसैगरी इलेक्ट्रिकल इन्जिनिरङ्गबाट जम्मा सय जना आवेदक रहेकोमा १ सय ५२ जना उत्तीर्ण भएका थिए ।
इलेक्ट्रोनिक्स एण्ड कम्युनिकेसन इन्जिनियरिङ्गमा जम्मा १ सय १ जना आवेदक बाट २० जना उत्तीर्ण भएका छन् । अरु इन्जिनियरिङ्ग समूहबाट रहेका थिए ।
नेपाल इन्जिनियरिङ्ग परिषदले लिएको यो दशौं परीक्षा रहेको थियो । यो नतिजा सँगै परिषदमा दर्ता हुने इन्जिनियरको दर्ता नं। ९५,४३८ पुगेको व्यहोरा नेपाल इन्जिनियरिङ्ग परिषदद्वारा जारी गरिएको प्रेस विज्ञप्तिमा उल्लेख छ ।
