न्यूज टुडे
राजविराज,१२ कार्तिक।
आयुष तामाङको उत्कृष्ट प्रदर्शनले‘युनिटी एफसी विरेन्द्र बजार’ जन्डोल फुटबल क्लवद्वारा सप्तरीको अग्नीसाइर कृष्णासवरन गाउँपालिका १ स्थित जन्डोलमा संचालित सातौं पचशिल्ड फुटबल प्रतियोगिताको फइनल प्रवेश गरेको छ । मावि जन्डोलको खेलमैदानमा बुधबार सम्पन्न दोश्रो सेमीफाइनल खेलमा आयोजक जन्डोल फुटबल क्लवलाई ०-३ गोलान्तरले पराजित गर्दै युनिटी एफसी विरेन्द्र बजार फइनल प्रवेश गरेको हो ।
निर्धारित ५० औं मिनेटको खेलमा पहिलो हापको १५ औं मिनेटमा युनिटी एफसी विरेन्द्र बजारका जर्सी नम्बर ९ का दिपेश चौधरीले १ गोल गरी टिमलाई अगाडि बढाए।
यसैगरी दोस्रो हापको पाँचौ मिनेटमा युनिटी एफसी विरेन्द्र बजारका जर्सी नम्बर १४ का फुर्वा तामाङले १ गोल गरेर टिमलाई ०-२ गोलको अग्रता कायमै राखे ।
दुबै टीम वीच कडा प्रतिस्पर्धा भएको खेलको २२ औ मिनेटमा युनिटी एफसी विरेन्द्र बजारले पाएको प्लानटीको अवसरलाई मिट फिल्डर जर्सी नम्बर ७ का आयुष तामाङले गरेको प्रहार गोलमा परिणत भएपछि विरेन्द्र बजार ०-३ गोलले विजयी भएको आयोजकले जनाएको छ ।
जितसंगै विरेन्द्र बजार गैड सिँह बाबा फुटबल क्लव जगमोहन संग फाइनलमा भिडन्त गर्ने भएको छ ।