नर्मदेव यादव
राजविराज, २७ असोज ।
जिल्ला प्रहरी कार्यालय सप्तरीद्वारा चोरी भएको ४ मोटरसाइकलसहित ७ जनालाई नियन्त्रणमा लिएको छ । जिल्ला प्रहरी कार्यालय सप्तरीले सोमबार पत्रकार सम्मेलन गर्दै चोरी भएको मोटरसाइकल र चोरीमा संलग्नहरुको नाम सार्वजनिक गरेको हो ।
विभिन्न मितिमा मोटरसाइकल चोरी भएको निवेदनको आधारमा खोजतलास गर्दा चोरी भएको मोटरसाइकल र चोरीमा संलग्नहरुलाई पक्राउ गरि कारबाही अगाडि बढाइएको सप्तरीका प्रहरी प्रमुख प्रहरी उपरीक्षक गाैतम कुमार केसीले बताए ।
उनले जिल्ला प्रहरी कार्यालय सप्तरीका प्रबक्ता डिएसपी डम्बर बहादुर पुरी नेतृत्वको टोलीले मोटरसाइकल सहित उनीहरुलाई नियन्त्रणमा लिएको जानकारी दिए ।
एसपी केसीका अनुसार पक्राउ पर्नेमा राजविराज नगरपालिका १५ का अनिल कुमार यादव,सोही स्थानका राज नारायण यादव, सचिन यादव,गजेन्द्र कुमार यादव रहेका छन् । यसैगरी राजविराज नगरपालिका ११ का अजय कुमार यादव, वडा नम्बर १० का शिवनन्दन यादव र उदयपुर बेलका नगरपालिका वडा नम्बर ९ का गणेश बहादुर विश्वकर्मा पक्राउ परेका छन् ।
पत्रकार सम्मेलनमा डिएसपी डम्बर बहादुर पुरीको समेतको उपस्थिति रहेको थियो ।