जनचेतना ८औं फुटबल कप प्रतियोगिताको उपाधि ओद्राहालाई

न्यूज टुडे
राजविराज, ११ मंसिर ।
सप्तरीको अग्नीसाईर कृष्णासवरन गाउँपालिका १ घोघिदाहामा संचालित ८ औं फुटबल कप प्रतियोगिताको उपाधि प्रोग्रेसिभ युवा क्लब ओद्राहाले हाँसिल गरेको छ ।जनचेतना माध्यमिक विद्यालयको खेल मैदान घोघिदाहामा सोमबार सम्पन्न फाइनल खेलमा आर एफसी फुटबल क्लब मोहनपुरलाई ०– ३ गोलले पराजित गर्दै ओद्राहाले उपाधिमाथि कब्जा जमाएको हो ।
निर्धारित ६० मिनेटको खेलमा विजेता टिमका जर्सि नम्बर ८ का शिशिर लेखीले खेलको दोश्रो हापको ११ औं मिनेटमा गोल गर्दै टिमलाई अगाडि बढाए ।
खेलको दोश्रो हापको १४ औं मिनेटमा विजेता टिमका जर्सी नम्बर १४ का देवानन्द चौधरीले दोश्रो गोल गरे ।
यसैगरी खेलको दोश्रो हापको अन्तिम समय २८ औं मिनेटमा विजेता टिमका जर्सी नम्बर ९ का पुष्पराज चौधरीले गोल गरे ।
उपविजेता मोहनपुरले गोल गर्न नसकेपछि ओद्राहाले सहजै जित हाँसिल गरेको आयोजक समितिका उपाध्यक्ष सुमित कुमार चौधरीले जानकारी दिए ।
प्रतियोगितामा सहभागी विजेता तथा उपविजेता टिमलाई एक समारोहका विच पुरस्कार वितरण गरिएको थियो ।

आयोजक समितिका अध्यक्ष राकेश कुमार चौधरीको अध्यक्षतामा आयोजित समापन समारोहमा प्रमुख अतिथि महुली लघुवित्त वित्तीय संस्थाका पुर्व प्रमुख कार्यकारी अधिकृत रोशन कुमार मण्डरले विजेता टिमलाई नगद २५ हजार राशीको प्रथम पुरस्कारसहित कप, मेडल, प्रमाणपत्र प्रदान गरे ।
यसैगरी उपविजेता टिमलाई समाजसेवी उमाकान्त चौधरीले नगद १५ हजार राशीको दोश्रो पुरस्कारसहित कप, मेडल र प्रमाणपत्र प्रदान गरे  ।
समापन समारोहमा सप्तरी निर्वाचन क्षेत्र नम्बर १ का प्रदेशसभा सदस्यका उम्मेदवार विध्यानन्द लेखी, नेपाल पत्रकार महासंघका प्रदेश परिषद सदस्य बृजमान तामाङ, राम अवतार चौधरी, इन्जिनियर बब्बु चौधरी, कुशेश्वर प्रसाद चौधरीसहित जनप्रतिनिधिहरु, स्थानीय बुद्धिजीवी, समाजसेवीहरुको उपस्थिति रहेको थियो ।
उक्त अवसरमा आयोजक समितिको तर्फबाट प्रमुख रेफ्री महेश चौधरी सहितका रेफ्रीहरुलाई सम्मान पत्रद्वारा सम्मानित गरिएको थियो ।
समापन समारोहको संचालन स्थानीय युवा अर्मेन्द्र ठाकुरले गरेका थिए ।