न्यूज टुडे
राजविराज, १३ असार ।
धनुषा फुटबल संघ जनकपुर राजविराजमा संचालित प्रथम मेयर गोल्डकप फुटबल प्रतियोगिताको फाईनलमा प्रवेश गरेको छ । सप्तरी सदरमुकाम राजविराजस्थित राजरंगशालामा बुधबार आयोजित खेलमा बेङखाडी युवा क्लब बर्दिवास महोत्तरी उपस्थित नभएपछि जनकपुर फाईनल प्रवेश गरेको हो । महोत्तरीको टिम सहभागी नभएपछि जनकपुरले नेट गोलगरी फाईनल प्रवेश गरेको आयोजकले जनाएको छ ।
राजविराज नगरपालिकाको सहयोगमा जिल्ला फुटबल संघ सप्तरीद्वारा संचालित प्रतियोगिताको विहिबारको दोस्रो सेमिफाईनल खेल मलिथम फुटबल क्लब उदयपुर र इश्वरपुर फुटबल क्लब बेलबास सर्लाही विच हुने जिल्ला खेलकुद विकास कार्यालय सप्तरीका प्रमुख दिनेश भुजेलले जानकारी दिए।
उदयपुरले आयोजक सप्तरी जिल्ला फुटबल संघराजविराजलाई हराएका थिए भने सर्लाहीले मितेरी फुटबल क्लब सुनसरीलाई पराजित गरि सेमिफाइनलमा प्रवेश गरेका थिए । असार १६ सम्म चल्ने प्रतियोगितामा घरेलु टोली सप्तरीसहित, सिरहा, सिन्धुली, सुनसरी, महोत्तरी बहिरिएको छ भने जनकपुर, उदयपुरर सर्लाही टिम बाँकीरहेको आयोजक जिल्ला फुटबल संघ सप्तरीका अध्यक्षराजकुमार परियारले जानकारी दिए ।