वृजनमान तामाङ्ग
विरेन्द्र वजार, १६ असोज। कोरोना संक्रमण र लकडाउनको मौका पारेर सप्तरीको चुरे क्षेत्रमा काठ तस्करी वढेको छ ।
डिभिजन वन कार्यालय सप्तरी र सामुदायिक वन उपभोक्ता समुहले पछिल्लो समय गस्ति सुरु गरेपछि तस्करी हुँदै गरेको काठ वरामद हुन थालेको छ । तर, संलग्नहरु भने फरार हुने गरेको वन कर्मचारीहरु वताउँछन् ।
राष्ट्रिय वनमै काठ चिरान गरी तस्करी हुने गरेको छ। जंगलमै काठ चिरान हुने गरेको र पछिल्लो समय धमाधम तस्करी भईरहेको काठ नियन्त्रणमा पर्नुले लकडाउनको समयमा अत्याधिक काठ तस्करी भएको अनुमान छ ।
चुरे पहाडसँग जोडिएको अधिकांश समतल क्षेत्र सामुदायिक वनका रुपमा समुदायलाई हस्तान्तरण गरिएको छ। समतल भुभाव संरक्षणको जिम्मा समुदायले लिएपछि वन कार्यालयले पनि गस्तिमा कडाई गरेको छैन ।
उपभोक्ता समुहले चुरे क्षेत्रको वास्ता नगर्ने र वन कर्मचारीले गस्तिमा क्रियासिलता नदेखाएका कारण तस्करी मौलाएको स्थानीयहरु वताउँछन् । पछिल्लो समय डिभिजन वन कार्यालयले सकृयता वढाएपछि तस्करी हुँदै गरेको काठ वरामद हुन थालेको छ। तर, वन कार्यालयले अझै पनि तस्करलाई नियन्त्रणमा लिन सकेको छैन ।
विहिवार राती दुधैला खोलाबाट राष्ट्रिय वन क्षेत्रवाट तस्करी हुँदै गरेको काठ गस्ति टोलीले नियन्त्रणमा लियो । यसैगरी, अग्निसाईर कृष्णासवरण गाउँपालिकाको महुली खोलाबाट ८ थान र दौलतपुरबाट चिरान काठ सहित एक महिला पक्राउ परेकी छिन् ।
अग्निसाईर कृष्णासवरण गाउँपालिका २ बाट गत असोज ६ गते पनि चिरान काठ बरामद भएको डिभिजन वन कार्यालय सप्तरीका डिभिजनल वन अधिकृत सन्तोस झाले वताए । बनदेबी सामुदायिक बन उपभोक्ता समुह भुर्किले नियन्त्रणमा लिएको उक्त काठ बन कार्यालयको जिम्मा लगाइएको छ ।
सामुदायिक बन उपभोक्ता समुहको गस्तिलाई देखेपछि तस्करहरु काठ फालेर भागेको समुहका अध्यक्ष रामपुजन चौधरीले वताए । यसअघि गत असोज ४ गते पनि रुपनी गाउँपालिका–६ दुधैला खोलावाट सखुवाको चिरान काठ वरामद भएको थियो ।
डिभिजन वन कार्यालय सप्तरीका प्रमुख झाका अनुसार काठ, वालुवासहित वन पैदावारको चोरी निकासी नियन्त्रण गर्न हाल २४ घण्टे गस्ति खटाईएको छ । गस्टि टोली घुम्न थालेदेखि नै अवैध रुपमा तस्किरी हुँदै आएको काठ, वालुवा लगायतका वन पैदावार नियन्त्रण पनि सुरु भएको उनले वताए ।
वन पैदवार संरक्षणका लागि सामुदायिक बन उपभोक्त समुहलाई पनि सकृय वनाईएको झाले जानकारी दिए ।